သၸသက္သ႘ကႝုဍဳင္မိဟံသာ

   ဗ႐ုခေရဲခှိင္ က်ာလိြင္ပိုက္နင္ မင္ကလင္ဒးကေတာဝ္ မုက္ေဂါဝ္မိပ္ျမဟ္ ဒ္ွမံင္ဇဵကုသိုလ္လိဿဳန္ကာလ သဘဵဓဝ္႐ုပ္ခေရဲခိှင္ လိြင္ဒြံတက္ ဒးေရင္ ကာန္လုပ္ဍာန္။

ေသာတပသာတ္ လုက္ဒးဓာတ္ကေတာဝ္ ေက်ာဝ္သ႘ၛရံင္အာ တဲၐါပင္ပတိုန္ မြဲခ်ိဳန္ခဏေဍာတ္ ခေရဲခိှင္သၜၿဇဲထဝ္ သြဝ္ပိုက္နင္ မင္ကလင္ဗ႐ုျဗဳျဗန္ဒဿံင္ ညံင္ရဵကိြင္ကိြဳက္ေဒဝတဵ သဿဴပကဵစမၸါဗတာင္ က်ာသြာင္ပိုက္လ်တ္ ႐ွ္ေမာဝ္ေဇာဝ္ ၿဂိဳပ္လုပ္သိုင္မုဟ္ လဿဳဟ္ကေလင္ ရံင္ပင္တဲ ဟြံဟဲဂၜမ္စိုတ္ေလာဲေလာဲ ဗ႐ုခမ႘သင္တအ္ဖေဍာတ္ ပင္ပတိုန္လိက္ အာစာသၜပတ္ ပကတိေဖ်ံ ဗေတာန္ ေကာန္ကြးပံက္ပါင္ရမ်ာင္ည႘သာ မိပ္အာမိပ္စိုတ္ထိုင္သး အကးဗုတၛဲသဝ္ ကြာ္သြဝ္ ဇက္ေဂၜာဲ ေတာဲရပ္ဏါပကဵ အာေလၛာဝ္ ပူဇဵ က်ာ္ေစတ႘မံက္တဵ (မုဟ္တဵ) ဝိုတ္ဂၜံင္စဵသိၛ ဒ္ွကီုေရာင္ကေလာတအ္ .. ..

ခ်ဴ - ဗညာဗှဳဟ္ဗိုတ္ ႏူလိက္ကှပ္ေပင္ႀတဵေစွာ္ၐါ။ မုက္လိက္ - ၂၄

ျပာပ္ကၜဳင္စိုပ္ဒဿံင္လဿဳဟ္ဂ္ွ ဒ္ွဌာန္တိမိပ႙ုအရင္ေရာင္။ အခါလဿဳဟ္ ၐိုန္ရေကာ္ဒဿံင္ “ဗေဂါမ်ိဳအ္” ကီုေလဝ္ ဒှာဲဝြံဒ္ွကိဿန္ဍဳင္ဟံင္သာဝတ႘ ဒ္ွဌာန္ဇာတိတိုပ္သုက္ပ႙ုေဟင္။

ဗေဂါဝြံ ေလာန္ကၜဳင္မြဲအခိင္ေတံ တိဍာ္မန္ တန္ဒဿံင္ဇိုင္ၾသင္ xxxx နကႝုဂၜဳင္ကၞင္ xxxx ဒ္ွၾတင္အာကၜဳင္ xxxx ဌာန္ဍဳင္ေဇှာ္ေမာဝ္ မၜာ္မတ္ေဂါဝ္ဆာဲ xxxx ရာသ႘ၿဗဲက်ာ ည႘သာၐိုဟ္ႀသိဳဟ္ခိုဟ္ေလာန္ xxxx ဌာန္ဍိဳပ္ဍဵ xxxx ကငၛဳဲေကၜင္ သတ္ဆုဍိဳက္ေပင္ xxxx ကၜဳင္ေဝင္မြဲတဲကၜာ xxxx ညာတ္ဒးဗ္ွသှာ xxxx ဟံသာဍဳင္ၐိုပ္ xxxx အာစိုပ္ဟြံမိက္စဵ xxxx

ဍာ္ပလိုင္ဍာ္ႏုင္ xxxx သုင္ႏြံ႐ွ္သာ xxxx က်ာၐ႘ကသ႘အာ xxxx အကးေလဝ္ေကဝ္ျဇဳင္ xxxx ၐ႘ေဇှာ္မြဲတှဳင္ ဂိၜင္ေစ္ွသၜဳင္က်ာ xxxx ေစတ႘ဘုတ္ဘာ xxxx ဝါဗၛဍိဳပ္ဍဵ xxxx စသုင္ဖဲလဲ xxxx အာကၜဳင္ေလာဲသြာ xxxx တှမ္တာဓိဌာန္ xxxx ေရင္လုပ္အာကြာန္ xxxx (ဌာန္ဝြံျမဟ္မံင္ xxxx ညံင္ဍဳင္ေဒဝတဵ xxxx)

ဌာန္ရးမည xxxx ေဒသႏြံ႐ွ္ xxxx အာဲပ႙ုေၾတံၾတဟ္ xxxx ညံင္ဂြံျမဟ္ဆာဲ xxxx လ႘ြလဝ္စိုတ္နာဲ xxxx သၜဳင္စရာဲဂကူ xxxx

ႏူဍဳင္လၢဳင္ ဍိဳက္ကၜဳင္က႘ြစက္ စိုပ္ဍဳင္ဗေဂါဗက္ဂ္ွ အပႜဲဇဵညာဏ္ထဝ္ နဒ႘ ဒေယ္ွဒဿံင္ဒြက္ဏအ္ရ။ ဍဳင္ဟံသာဝတ႘ပ႙ု၊ ရးမညပ႙ု ဍိဳပ္ဍဵကၜဳင္ ရာင္ဆာဲကၜဳင္အတိုင္သတ္ဒြက္ဏအ္ရ။ တုဲမၢး ထဝ္နဒ႘ မိက္ဂြံစိုပ္ကိုပ္ကၜာအိုတ္ဂ္ွ ဒ္ွက်ာ္မုဟ္တဵရ။ ဇေရင္တိဇှးက်ာ္မံက္တဵဏံ အပႜဲသြပ္လၸအ္ ထဝ္နဒ႘ေလဝ္ စိုပ္အာမြဲေဏွအ္မြဲေဏွအ္ဂ္ွ ဒ္ွေတဿင္မြဲသာ္ေရာင္။

ထဝ္နဒ႘ခ်ပ္မံင္လိဿဳန္ရ။ ထဝ္နဒ႘တအ္ဂ္ွ ဒ္ွမိှဟ္ပႜဲေဒသၐ႘ျဂာင္မြဲ၊ ဠတိုန္ဘာတကၠသိုလ္လၢဳင္ဏအ္မွ အာဇေရင္တိဇှး ေလၛာဝ္က်ာ္မုဟ္တဵ အခိင္လအ္မြဲတဲ မြဲေဏွအ္မြဲေဏွအ္ ခ်ပ္စိုပ္ဒဿံင္ရ။ လဿဳဟ္မွ ဆႏၵထဝ္နဒ႘ ဍိဳက္ေပင္ဟီုစဂြံရ။ အဝ္ ေဒါံကၜာဏီ၊ ထဝ္နဒ႘ ဆက္မိတ္ကႝု ဇကုထဝ္နဒ႘ကၜာ …..

ထဝ္နဒ႘ လဿဳဟ္ဂြံအာယုက္ - ၁၉-သှာံ ဟီုစဂြံရ။ တိုန္ဘာတကၠသိုလ္လၢဳင္ေတံ နကႝု Major Eco. Day ရ။ အေဃာတိုန္ဒဿံင္ဘာဏအ္ ဒးမံင္ပႜဲဂဒမ္တုဲ ထဝ္နဒ႘မံင္ဒဿံင္ ပႜဲပိြဳင္ဍဳင္ကဿာရတ္ရ။ ဂြံစိုပ္ဗေဂါလဿဳဟ္ဂ္ွ အဒိုတ္၊ သိၛသဝ္ ဘာကဿာတ္၊ အခိင္ဂ္ွဟာ၊ အဝ္ ဒ္ွဥတုမုဟ္က်ာရ။

ထဝ္နဒ႘ မိက္ဂြံစိုပ္ကၜဳင္ဇေရင္ တိဇှးက်ာ္မံက္တဵ ဆႏၵသကာတ္ျမဟ္မံင္တုဲ ကေသအ္ဂြံသကအ္ရဲၐါတုဲ စိုပ္ကၜဳင္ ဟီုစဂြံရ။ ဆဂး လဿဳဟ္ႏြံဒဿံင္ လၲဴတိက်ာ္မံက္တဵဏအ္ဂ္ွ ထဝ္နဒ႘မြဲဓဝ္ သကအ္ရဲၐါဂ္ွ မင္ဟြံမာန္တုဲ ေဂတ္အာလပၚ ဘာသုခကာရ႘ေတံရ။

ေဍံတအ္ဟီုဂ္ွ -

“မိှဟ္ဂ္ွ ေကတ္လဝ္ Major Eco. ပေရင္ပိုန္ျဂပ္တုဲ ဒ္ွမံင္သုေတသ႘ဝင္ညံင္ညံင္၊ ေဍံဟီုလဵဒဿံင္ပ႐ူသကိုပ္ပှာန္ တၜဗာန္၊ ေဢာံနန္သာဲတအ္၊ သိဿင္ဗညာဒလတအ္ မြဲေဏွအ္မြဲေဏွအ္၊ မဥၨဴ ေထာံလဝ္ေဍံအဏအ္၊ ပ႙ုအာေဝင္လပၚဘာသုခကာရ႘ေတံေဏါင္”

ကလင္ေကတ္ရမိမတအ္ ထဝ္နဒ႘ ဆႏၵေဇှာ္မိက္ဂြံလုိန္ဒဿံင္တိဟံသာဝတ႘ဂ္ွ လဿဳဟ္ဒးသာဲႏူသကအ္ရဲတအ္ေလဝ္၊ ထဝ္နဒ႘ စိုတ္ဟြံေဍာတ္ပုဟ္၊ မုဟိုတ္ဟီုေတ္ွ သြပ္လၸအ္ထဝ္နဒ႘ ႐ုပ္ရဵမံက္ကၜဳင္ဂ္ွ ထဝ္နဒ႘မိပ္မံင္စိုတ္ရ။

ထဝ္နဒ႘ ပတန္လဝ္စိုတ္ညိင္င္တုဲ ဂဇအ္ေလၛာဝ္ရာဒှာပတၲနာဒဿံင္ ဇေရင္က်ာ္မံက္တဵဏအ္ မြဲသာ္ဂ္ွ-

“ဝ႘ဝဲကီု ကမ္ဝိပက္အိုတ္သီု ယဝ္ရႏြံမၢး ကႝုဂြံလာဲေလင္ေဝင္ပါဲအိုတ္ညိ”

ဒ္ွသာ္ဏအ္မၢး ထဝ္နဒ႘ရာဒဿံင္ဒှာ သြက္ညးဂ္ွေရာ၊ ပေရင္ေကာန္တဿအ္ၿဂိဳဟ္ကတာန္ ကမ္ဝိပက္ဆာန္ဟြံမြဲ ပႜဲထဝ္နဒ႘ပုဟ္၊ ဍာံစဿတ္မြဲသာ္ဂ္ွ ေကာျဇဟာန္ပိုင္ၿပ႘လဝ္ၿဂဳိဟ္ကတာန္နဒ႘ဂ္ွ ဒ္ွႀတဳံသရာဲပှာန္မြဲ၊ လဿဳဟ္ႏြံဒဿံင္ ပႜဲဒပ္ပှာန္ဗၜးၐးေကာန္ဂကူမန္ေတံရ။

လဿဳဟ္ထဝ္နဒ႘ ရာဒှာဒဿံင္ဂ္ွ ပႜဲဇဵညာဏ္ ထဝ္နဒ႘ကီု ပႜဲဝိညာဏ္ ထဝ္နဒ႘ကီု ဟိုတ္ႏူေဢာံနန္သာဲ ေကာန္ဝုတ္ဨကရာဇ္ ဟံသာဝတ႘ လုပ္စဒဿံင္တုဲ ဒးရာဒှာဒဿံင္ရ။

                                      **************

“နန္သာဲ ေဖက္မံင္ဟာ”

“နန္သာဲ ဟြံေဖက္ပုဟ္ေကာ၊ နန္သာဲေဖက္အိုတ္ဂ္ွ ႏြံမြဲရ”

နကႝုလပုဟ္တဲနန္သာဲဍႝဳလဝ္ ေကာန္ႀသိဳဟ္တၜဗာန္တုဲ သီုမအီေခဿာမ္ေဟင္ သၢးတိုန္ရ။

“ႏြံမြဲဟီုဂ္ွ ပြံက္ေဍံဗီုလႝုေရာ နန္သာဲ”

“မြဲဘဝ မြဲအာယုက္နန္သာဲဏအ္ ပေရင္ဍဳင္ကြာန္ေလဝ္ နန္သာဲဟြံတီပုဟ္၊ ပေရင္ပှာန္ေလဝ္ နန္သာဲဟြံတီပုဟ္၊ နန္သာဲတီဆာန္ေကာထပိုယ္မြဲရ။ တုဲပၜန္ အရာအိုတ္သီု နန္သာဲဟြံေဖက္၊ မိမေလဝ္ ဟြံေဖက္၊ ဒးသာဲျခာကႝုေကာထပိုယ္ဂ္ွ နန္သာဲေဖက္အိုတ္ရေကာ”

အခိင္နန္သာဲကႝုေကာသရာဲပှာန္တၜဗာန္ ခ်ိင္တက္က်ာညးသကအ္ဂ္ွ ဒဒ္ွရနန္သာဲ ေကင္ဟီုပတိတ္လဝ္ ပေရင္ဍိဳန္လ်ဗီုဏအ္ နန္သာဲဟတီဒးမံင္ဏီရ။

အခိင္လဿဳဟ္ ဘဝနန္သာဲစိုပ္ဒဿံင္ဂ္ွ နကႝုအသံပါင္အပါအံက္နန္သာဲတအ္ေဟင္ ဘဝနန္သာဲဒးပံင္ကႝုလဿအံင္ေဇယ် ရေဏါင္။

ပေရင္ပှာန္၊ ပေရင္ဍဳင္ကြာန္ နန္သာဲဟြံကိၜဳဟ္ဟြံတီလဝ္ဂ္ွ လဿဳဟ္မွဒဒ္ွနန္သာဲ ဍိဳန္လ်ဒဿံင္ နန္သာဲ တီကိၜဳဟ္ေကတ္ရ။

“ေကာထပိုယ္ေယ်….”

(ဟိုတ္ေဢာံနန္သာဲ ဂြံေကာ္ခဵစေကာထပိုယ္ဂ္ွ ပႜဲတိုက္ပရိယတိၲမဂၤလရံသ႘မြဲ တိုက္ဂ္ွ ခမ႘သင္မန္တအ္ ႏြံၐိုတ္ဗဒါဲလီၛဇကုရ။ ပႜဲဂ္ွ ညးမဒ္ွအလံင္ပှာန္ တၜက်ိန္၊ တၜေကၜပ္၊ တၜသၨင္၊ တၜဗာန္တအ္ သုင္ဒဿံင္႐ွ္ဍာ္တ္ွပညာ ပႜဲတိုက္လိက္ဂ္ွရ။ ကာလရာံတိတ္ႏူဘဝခမ႘သာမဏ႘တုဲ တၜဗာန္ဒ္ွညးအာယုက္ေဍာတ္အိုတ္ ဒးဗက္အာမံင္ ကေရာံသကိုပ္ပှာန္ေဇှာ္ဗညာဒလရ။ ႏူဂ္ွ ဆႝုဒးေကာန္ဝုတ္ သကိုပ္ပှာန္ေဇှာ္ ေဢာံနန္သာဲရ။ ေဢာံနန္သာဲ ဆာန္ေလာန္တုဲ မဒးေကာ္စေကာထပိုယ္ရ)

ေကာထပိုယ္ေယ်…. ဗမာ အံင္ေဇယ်ဂ္ွ စရာဲဍာ္ဒေကဝ္ပညာဟြံမြဲ၊ ဆက္ၐက္ေစ္ွကၜဳင္ ႏူဘဝလဿေဇှာ္တုဲ ဆီမာနပှာန္ ဗာန္ေစာဲမံင္ပႜဲကႜဟ္တုဲ-

မိက္ဂြံေဒါအ္ပှာန္မၢး ဒးဆက္ကြာဲကႝုၾသန္ဘ႑ာေကုာံေကာန္ဝုတ္ေဏါင္၊ ဂလာန္ဗီုဏအ္ ရဲဝင္နန္တအ္ ဟီုမံင္ဂ္ွ နန္သာဲဂြံတီရ။

ဂၜမ္ၾသိဳဟ္ညးသအာင္ နန္သာဲဒးလုပ္ဗဒဗဒါဲသီုကႝုဆႏၵဇကုဟြံမြဲဟီုဂ္ွ ဘဝေဒံနန္သာဲ ဒ္ွဘဝေကာန္႐ုပ္မြဲရ ေကာထပိုယ္။

အခိင္အပါမအံက္ ႏြံအသံပါင္ ကိစၥေကာထပိုယ္ေကုာံ မိေဢာံနန္သာဲဏအ္ဂ္ွ ၿဂိဳဟ္ကတာန္ေကာန္ကဿအ္နန္သာဲ မၵးထကးအာ ညံင္ရဵဂဂႝုျဗဳထတ္ထတ္ကီု၊ ညံင္ရဵဒႝုေဇှာ္လာ္ေစ္ွအာကီုရ။

ေကာထပိုယ္ေယ်…. ဒပ္ပှာန္ေကာထပိုယ္တအ္ ကလိဂြံေပါဲအံင္ဇှးတုဲ အခိင္ဗတမ္ဒစိတ္နာဍ႘ တၜညးဗညာဒလ (အပါအံက္အဲ မိနန္သာဲ) ေကာ္သၸေပါဲေကာံဓ႐ုီေကုာံ အမာတ္သကိုပ္ပှာန္ဂမိၜဳင္ရ။

“တၜဗာန္ဂ္ွ ဒ္ွသကိုပ္ပှာန္ေကာန္ညးဍဳင္ကြာန္ဓမၼတာမြဲရ။ ဂြံထပ္တဲကႝု ေကာန္ဝုတ္အဲနန္သာဲဂ္ွ ဟြံေထက္ၾကိဳက္ရ။ စှးဂ္ွအမာတ္တအ္ ဂၜာဲေကာန္ဝုတ္သေမၛဟ္ေသဌ႘ ႐ုပ္သာ္ေက်ဝ္ေဂါဝ္မြဲတုဲ ကႝုစေဍံညိ”

အသံအမိင္တၜညးဗညာဒလ တိတ္ကၜဳင္သာ္ဏအ္တုဲ အမာတ္ဂမိၜဳင္ ဓ႐ုိက္တိတ္ဏါကဍိဳပ္အိုတ္ရ။ သရာဲပှာန္တအ္ေလဝ္ ျဂိဳဟ္ဖာဲဇုိင္တဲလာဲအာရ။ သာ္လႝုဂြံသၸေရာ၊ အမိင္ဂ္ွအမိင္ရ။ တၜဗာန္ဂ္ွ တၜဗာန္ရေဏါင္။

ပ႐ိုင္ဝါစာ ဂလာန္တၜညးဟြံမင္မြဲဓဝ္သစၥပါင္ဂ္ွ မြဲဒျမိပ္ဓဝ္ျပးေပင္ကိဿဳဟ္အာ အလုံဍဳင္ဟံသာဝတ႘မြဲရ။ ကဍိဳပ္သကိုပ္ပှာန္တအ္ေလဝ္ ပေရင္တၜညးရာဇာဓိရာဇ္ ေကုာံ တၜညးဗညာဒလ ဗီုလစြံစိုတ္လတူသဂံင္သရာဲ ပှာန္ဂ္ွ ၐတ္ခ်ိင္ဗဒါဲတုဲ ျဇေဟာမ္တဵမံင္စိုတ္အိုတ္ရ။

ဒဒ္ွဗီုဏအ္ ရဲဝင္နန္တအ္ကီု ျဒာတအ္ကီု လဵထၞးဒဿံင္ကႝုေဢာံနန္သာဲ နန္သာဲဂြံမိင္မၢး ညံင္ရဵကေတာဝ္ေဢာံနန္သာဲ ဒးထကးအာကီု၊ ညံင္ဂဂႝုတးပန္ေဖ်ံဏါ ကေတာဝ္အဲေဢာံနန္သာဲကီု ဒးဒုင္စသိုင္ရ။

ေကာထပိုယ္ေယ်…. ကၜာေကာထပိုယ္ဂြိဳအ္ဒဵတိတ္ဍဳင္ေၾသင္ဇေရင္ဒိုဟ္ၐ႘သတာင္ေတံဏီ ဂလာန္ေကာထပိုယ္ ဗၠန္လဝ္ကႝုသကိုပ္ပှာန္ပိတၜ တၜက်ိန္၊ တၜေကၜပ္၊ တၜသၨင္တအ္ဂ္ွ ေဢာံနန္သာဲ ညာတ္အာမံင္ စိုတ္ဓါတ္ဆာန္ဍဳင္ ဆာန္ဂကူႏြံပႜဲေကာထပိုယ္ရ။

“သဟာဲတအ္ ဆက္တုဲ စႝုဒှာဲအာညိ၊ အဲဂ္ွ ဒုင္စသိုင္ဝါတ္ေလာန္တုဲ ျပဟ္ဟ္ဏအ္ အဲတိတ္အာေရာင္၊ မြဲတၛဲ တၜတိပ႙ုလညာတ္ညးကၜးကၜဳင္ ေကာ္အဲမၢး အဲေကႅင္စဵကၜဳင္ပၜန္ေဏါင္၊ တာလ်ိဳင္ဂကူပ႙ုဂ္ွ တၛဲကာလလႝူေလဝ္ ဝိုတ္ဟြံမာန္ ဗ္ွဗှဳဟ္ဒဿံင္လိဿဳန္ထာဝရရ”

သာ္ဏအ္ေကာထပိုယ္ ဟီုဗၠန္ဖ်န္ဏါတုဲ ႏူဂ္ွမြဲကဆံင္ စိုပ္အာပႜဲထီုကအ္ေဂါမ္ေတံ ဂြံတီေကတ္ပၜန္ဂ္ွ လီှေကာံဂၜိဳင္ ကၜဳင္ ပႜဲေဢာံနန္သာဲရ။

ေကာထပိုယ္ေယ်….. ဘဝနန္သာဲ သိႜဳက္ဆာန္ဒးေကာသရာဲပှာန္ ဒးသာဲျခာညးသကအ္ဂ္ွ ၐိုန္ရဒ္ွဓမၼတာမြဲကီု ေလဝ္ အလန္ဏအ္ ဒးသာဲျခာကႝုေကာသရာဲပှာန္ဂ္ွ ညိေလဝ္ဟြံေစ္ွဗဗြဲဓဝ္ပုဟ္၊ ေဢာံနန္သာဲေထဲကႝုအပါအံက္တုဲ ယဝ္ရဂြံမာန္ေဏါင္ဟီုေတ္ွ မိက္ဂြံေကတ္မာန္ဒဿံင္ရ။ ဆၢး ဇကုဇကုဒ္ွေကာန္ဝုတ္ေဢာံကုိဋ္ဨကရာဇ္မြဲတၜေဟင္၊ အဝႝုဟီုဂ္ွ ႏြံပႜဲတဲတၜညးအပါအံက္မြဲ ဗြဲေတဿင္။

ေကာထပိုယ္ေယ်….. ဘဝေကာထပိုယ္ေလဝ္ ဒးက်ေဟာမ္ျဗမ္အာ အပႜဲအသံပါင္အပါအံက္၊ ဘဝေဢာံနန္သာဲ မစိုပ္ဒဿံင္လဿဳဟ္ဂ္ွေလဝ္ ဒးက်အသံပါင္အဝႝုမအံက္ဂ္ွ တုပ္ဒဿံင္ညးသၠအ္ရ။

ကမ္ကုသိုလ္ေကာထပိုယ္ကႝု ေဒံၿဗဵဏအ္ ေကင္ရာဒှာလဝ္ဇေရင္က်ာ္မံက္တဵေတံ တုပ္သဿဟ္ဒဿံင္ဟီုဂြံဟာ၊ ဟြံေသင္ေတ္ွ ကမ္ဇာတာေျပအ္ေျပအ္ပါဗက္ကၜဳင္ ကေရာမ္ေကာဂှဵကႝုေဒံၿဗဵဏအ္ဟာ။ ေဒံၿဗဵဏအ္ ေသၜဟ္ပဿာဒဿံင္ အပႜဲဇဵစိုတ္လိဿဳန္ရ။

ေကာဂှဵေယ် ….. ဒဒ္ွေဒံၿဗဵကႝုေကာဂှဵဂ္ွ ပေရင္ပူဂိုလ္စြံဂတဟြံဂြံတုဲ ပေရင္ပူဂိုလ္ ဒးသၸပူဇဵပအ္ကႝုဏါသြက္ဍဳင္ သြက္ဂကူရဟြံေသင္ဟာ။

ေကာထပိုယ္ေယ်…. ဟိုတ္ဘဝပ႙ုညးၐါ စိုပ္ေကှာတ္ဒးသာဲျခာ ျပးဆာဲဏအ္ အဓိကေဍံ ညးဂ္ွပၚပရးလဝ္ေရာ၊ ႏူဘဝေကာန္ဨကရာဇ္ဂ္ွ ဗဒ္ွေထာံေကာန္႐ုပ္ဟြံမြဲကႝုလမ်ီဳဂ္ွ ညးဂ္ွေရာ၊ ပေရင္ပှာန္ ပေရင္ဍဳင္ကြာန္ အပါအံက္ေဝင္ဒဿံင္ဂ္ွကီု ေကာသရာဲပှာန္တအ္ ေဝင္ဒဿံင္ဂ္ွကီု ေကာသရာဲပှာန္တအ္ ေဝင္ဒဿံင္ဂ္ွကီု ဒ္ွေရာင္ ေဢာံနန္သာဲေစ္ွေကတ္စိုတ္ရ။

ေကာထပိုယ္ေယ်…. ဗီုေကာထပိုယ္ေစာန္ေကက္သကာ လတူေဝင္ပှာန္ ဗီုသှဗမာတအ္ ေဖက္ဂဿံက္ျပယာဲပှာန္ ေကာထပိုယ္ဂ္ွ မုဟိုတ္အပါအံက္ေဒံၿဗဵတအ္ ဗညာဒလဟြံကိၜဳဟ္ေကတ္စိုတ္ လတူေကာသရာဲပှာန္ဂ္ွေရာ၊ တုဲပၜန္ လတူလဿအံင္ေဇယ်ဏအ္ဂ္ွေရာ၊ ဓဝ္ပေတ္ွအပါအံက္ မုပဂြံဗိုန္ဇဿအ္ဒဿံင္ဂလိုင္ဂ္ွေရာ၊ ေကာထပိုယ္ေကင္ဟီုကၜဳင္ လဝ္

“နန္သာဲ ပှာန္ဟီုဂ္ွ ျပယာဲဂၜိဳင္ဒဿံင္ေဏါင္၊ အခိင္သိမ္ဂြံလဝ္ဍဳင္အင္ဝတိဿတိဿေတံဂ္ွ သကိုပ္ပှာန္ေဇှာ္ေကႅင္ေကာ္ ေကတ္ဏါေကာဂ္ွ ဆႏၵျပဟ္ျပဟ္ဒဿံင္ေဏါင္၊ ေကာထပိုယ္ေထင္ ဗမာတအ္ဂ္ွ ျပယာဲဥပါဲေဇှာ္ဒဿံင္ေဏါင္ ေဒံနန္သာဲ”

ဍာံမံင္ေကာသရာဲ အတိုင္ၾကက္ဂလာန္ေကာသရာဲဂ္ွရ။ လဿဳဟ္အတိုင္အသံပါင္အမိင္အပါအံက္ေဟင္ ဘဝခႏၶေဒံၿဗဵဂ္ွ တုပ္တဵညံင္ရဵကေပါတ္အရပ္အရာမြဲသာ္ ဒးဒုင္သၸပူဇဵပအပ္ကႝု လဿအံင္ေဇယ်ရ ေကာသရာဲေယ်….

ဗီုလႝုဒွ္ဒ္ွရ ေကာသရာဲေယ်…. ေဒံၿဗဵဏအ္ ေကတ္အ႐ုီဗင္ကႝုျဒာတအ္တုဲ ေဒံၿဗဵခ်ဴဗစိုပ္ဏါလိက္မြဲတှးရ။

(ပႜဲဝင္နန္ဟံသာဝတ႘ ခါန္ကှာတ္လဝ္ညးမပလံင္လိက္ပ႐ုိင္ ႏြံၐါေစွာ္တၜရ။ ဍိဳက္ေခ်ံေလဝ္ေစာန္၊ ဒှာဲဝါဲေလဝ္ တီဇ႘သာ္ရ။ ေပှာဝ္ကႝုမိှဟ္ၐါေစွာ္တၜဂ္ွ မာံျဒာေလဝ္ ပါလုပ္မြဲကုီရ။ မာံျဒာဂ္ွ ေကာ္မံင္ျဒာရ။)

ဗစိုပ္/

ေကာထပိုယ္တၜဗာန္

သကၠရာဇ္ - ၁၁၁၉၊ ပသာ္ေပင္ဂယး။

သြက္ေကာဗြဲမေအာန္စိုတ္လီှေသာကမပူဗိုင္ဒဿံင္ဏအ္ေဟင္ ေဒံနန္သာဲ ခ်ဴဏါလိက္မြဲတှးရေကာ။

ဘဝေဒံနန္သာဲ စိုပ္ဒဿံင္ဇိုင္ကိှန္ထပ္သဿဝ္ရေကာ၊ အတိုင္ဆႏၵေဒံနန္သာဲ ယႝုဒုင္လဝ္ကတိပါင္ ဝါစာဂလာန္ အလုံခႏၶနန္သာဲ ပအပ္လဝ္ကႝုေကာတုဲမံင္ဂ္ွ ေကာဟြံေကႅင္ေက်ာဝ္ရံင္ ေဒံနန္သာဲဏအ္ရဟာ။

ပႜဲဓယူႀသိဳဟ္သှဂ္ွ ေဒံနန္သာဲ ဟြံမိက္ဇူလးလးရ။ ဆာန္ဒဿံင္နန္သာဲဏီ ပႜဲစိုတ္ေကာေတံႏြံမၢး ကၜဳင္ဟံင္ဂိုင္ေဒံ နန္သာဲမြဲဝါညိ။

ဂိတုပသာ္ၐါေစြက္ဏအ္မၢး ခႏၶဘဝနန္သာဲဂ္ွ ညးတအ္ပအပ္ကႝု လဿဗမာအံင္ေဇယ်ရေဏါင္ ေကာထပိုယ္။

ေကႅင္ကၜဳင္ရံင္ေဒံနန္သာဲညိအဵ။

ေဒံေဢာံနန္သာဲ

နန္ဟံသာဝတ႘

လိက္ေဒံၿဗဵဏအ္ ေကာဂှဵသရာဲပှာန္ ဂြံဗ္ွေကတ္ေဏါင္ေထင္၊ ဍာံဍာံေတံ ေကာထပိုယ္ေယ်….. လိက္ေဒံၿဗဵခ်ဴလဝ္ နကႝုၿဗဲဍာ္ရမတ္ေဏါင္၊ ဂလိုင္ဂ္ွ ေဒံၿဗဵဏအ္ ဒးလင္ေဇြာဝ္ဒဿံင္လတူေကာဂ္ွ ထၞးဏါသက္သ႘ကႝုတှးလိက္ဏအ္ရ။ ညးပလံင္ကႝုလိက္ဏအ္ မာံျဒာဂ္ွေလဝ္ ေဒံနန္သာဲတင္ဂုဏ္ သက္ပေတာံၐတ္ဟြံမြဲရ။

ဗြဲစဿတ္တုန္ ျဒာတအ္ဂ္ွ အၾကာအႏၲရာယ္ေဇှာ္ေဇှာ္(ဗြဲေတဿင္သှလဿအံင္ေဇယ်)ဂ္ွ တတ္ထပၚတုဲ ညံင္ဂြံစိုပ္ဇေရင္ ေကာဂှဵ ျဒာတအ္ဒးပလံင္ရ။

****************

“ေကာထပိုယ္….”

ရမ်ာင္မံက္တိတ္ကၜဳင္သာသာတုဲ တၜဗာန္ဂစိုင္ေက်ာဝ္ေဖ်ံမုကၡဝါနန္သာဲ ဆီေပင္ေဍင္ဒဿံင္အလုံမုက္မြဲရ။ တၜဗာန္ေဖ်ံနန္သာဲ ႏူစးေခ်ံသာသာတုဲ ေက်ာဝ္ရံင္ခႏၶနန္သာဲ ဒဒ္ွရဒးလဝ္လဵဂ္ွ တီအာခ်ိဳတ္ပိၜဳတ္တုဲ-

“နန္သာဲ မုဟြံဒ္ွပုဟ္၊ က်ာ္ေဇှာ္အၥာတအ္ မံင္ဒဿံင္နန္သာဲရ”

“ဇကုနန္သာဲ နန္သာဲတီမံင္”

အဟိန္ဂ္ွ တၜဗာန္မိန္ေကတ္ခႏၶနန္သာဲ ပတိုန္လတူစးေခ်ံတုဲ ဗြဲမျပဟ္ေျပဟ္ဃႝုပ်ာလုပ္အာ ပႜဲဇေရင္ထီုကအ္ေဂါမ္ ေတံရ။ ဇကုခႏၶနန္သာဲဍိဳန္ကဝးေစ္ွမံင္ဂ္ွ က်ာ္ေဇှာ္အၥာေကသရတီဒဒ္ွ လမ်ီဳဇ႘ဝိတ နန္သာဲပိၜဳတ္အာထေၐက္အာ ဂ္ွတုဲ-

 

ေကာထပိုယ္ေယ်…..

ေကာထပိုယ္ေယ်…..

ေကာထပိုယ္ေယ်…..

*************

“ထဝ္နဒ႘ ထဝ္နဒ႘”

မဥၨဴတအ္ညးၐါ ၐိုန္ရကညာင္ေကာ္ဒဿံင္ထဝ္နဒ႘ ဂၜိဳင္ကႝုဝါကီုေလဝ္ ထဝ္နဒ႘ ဟြံငၛဳဟ္ဟြံကိၜဳဟ္ကၜဳင္ လပၚဏအ္ဏီ၊ ညးၐါဂ္ွ ဆက္တုဲ ထပ္ေကာ္ဒဿံင္ထဝ္နဒ႘ လတူဗလးက်ာ္မုဟ္တဵဖိုဟ္ရ။

“ထဝ္နဒ႘ ထဝ္နဒ႘”

ဂြံမြဲေဏွအ္ညိ ထဝ္နဒ႘ေကႅင္ဂြံတိုန္သတိၾသင္လပၚဏအ္ ဒဒ္ွရဇကုဂ္ွ ေဢာံနန္သာဲဟြံေသင္ပုဟ္၊ ထဝ္နဒ႘ေဏါင္၊ ေကာန္ဨကရာဇ္ဟြံေသင္ပုဟ္၊ ကြးဘာတကၠသိုလ္မြဲေဟင္ သာ္ဏအ္ ဂြံတီေကတ္ရ။

“မဥၨဴတအ္ညးၐါဖိုဟ္သြံ၊ ဗီုလႝုေထာံလဝ္အဲအဏအ္တုဲ ေဗ္ွတအ္ညးၐါဗီုဒးစိုတ္အာေၾကဝ္ဒဿံင္ဟြံေသင္ဟာ၊ အလႝုေဗ္ွတအ္ စိုပ္အာလပၚလႝုကုီေရာ”

“မုလၸဟီုရမိထဝ္နဒ႘၊ ပ႙ုညးၐါေကာ္ဒဿံင္ေဗ္ွဂလိုင္ဏအ္ မုပဟြံဒးမိင္ဂ္ွေရာ၊ ဗီုလႝု ဂြံေလၛာဝ္လ်ဳင္ျဇဳင္သိႜဳက္ က်ာ္မံက္တဵတုဲ မုေဗ္ွဒ္ွအာေရာ၊ ေဢာံနန္သာဲတအ္ တၜဗာန္တအ္ လုပ္စေဗ္ွပၜန္ဟဂ္ွဟာ”

ဗီုဏအ္ မဥၨဴထပ္ခဍဳတ္ထမက္ဟီုဏါကႝု မိထဝ္နဒ႘တုဲ ထဝ္နဒ႘မြဲဂြဂစိုင္ေစ္ွအာညိရ။ တုဲမၢး ေဂတ္ဗႝုေက်ာဝ္အာလပၚ ဗလးက်ာ္မံက္တဵေတံရ။

“ေဗ္ွဟြံတီပုဟ္မဥၨဴ ဍဳင္ဗေဂါကီု၊ က်ာ္မံက္တဵကီု၊ တၜဗာန္ကီု၊ ပၚျခာေထာံညးသၠအ္ဟြံဂြံပုဟ္၊ မြဲအခိင္ေတံ ကိဿန္ဍဳင္ဟံသာဝတ႘ ေကာ္ဍဳင္ဗေဂါဏအ္ နကႝုဂကူတၜ၊ ဘဝတၜမန္ပ႙ုတန္တဵကၜဳင္လဝ္ေလဝ္၊ ပႜဲဂ္ွ သိႜဳက္ဆာန္ညးၐါ ေဢာံနန္သာဲကႝု ေကာတၜဗာန္တအ္ဂ္ွ ျဇဟာန္ေဇှာ္ကၜဳင္လဝ္ ေလၛာဝ္ရာဒှာကၜဳင္လဝ္ ပႜဲက်ာ္မံက္တဵဏအ္ရေဏါင္ မဥၨဴ”

“ေဒါအ္ေထာံရထဝ္နဒ႘ အဲဟီုဒဿံင္ရ။ ေဗ္ွလၸေကတ္လာင္ Eco ျပံင္ေထာံလာင္ေမဂ်ာဝင္ History ဂြိဳအ္ပုဟ္ဟာ၊ အေရဝ္ေဗ္ွဟီုဒဿံင္ ၾကိဳက္ကႝုသၸစသုေတသ႘ေဏါင္ေထင္၊ ေက္ွ ပ႙ုစဵရစိုအ္”

ထဝ္နဒ႘မြဲ အတိုင္ဇကုပေတ္ွေကတ္လဝ္ ၐိုန္ဟီုလဵထၞးစကႝုညးသၠအ္ရဲဇကုကီုေလဝ္ ဒ္ွအာမိှဟ္ၾကအ္ကႝုဝင္တုဲ ထဝ္နဒ႘တၛဲဂၜဳညိမွ လိင္တကၠသ႘တုဲ ဗက္စဵေဏါင္”

“ဟီုဟဂ္ွေတ္ွတုဲ ဆၢးပ႙ုစဵလၢဳင္ေတံဟြံေသင္ပုဟ္ဏး၊ ပ႙ုမင္ဒဿံင္ေဗ္ွပႜဲဗဒမ္ဇှဴ(တည္းခိုခန္း) လေဒါဝ္ဍဳင္ဂ္ွရ။ ထဝ္နဒ႘တၛဲဂၜဳညိေတ္ွ ညံင္ဂြံစဵကၜဳင္ျပဟ္ျပဟ္ဏး”

“ယြံယြံ လၸဂိြင္ေလဝ္ရဲ အဲစဵကၜဳင္ဍာံဍာံေဏါင္”

ဟိုတ္ႏူကၜဳင္မြဲကေရာံမြဲစြံတုဲ ညးၐါဂ္ွ ဂြိင္ဒဿံင္တဿာဂလုိင္ရ။ ညးၿဗဵမြဲဓဝ္ အၾကာဂကူသအာင္ဂ္ွ ဟြံေဖ်ံစိုတ္လးလးဂ္ွ ဒ္ွဓမၼတာရ။

သကအ္ရဲၐါတၜ တိတ္အာတုဲ ထဝ္နဒ႘ဆက္ကြာ္ဟ႘သၸဝ္ခ်ပ္ဒဿံင္ပၜန္ရ။ အလန္ဏအ္ လ်းသဥၨ်ာတအ္ ၾကပ္မံက္တိတ္ တၛဲေလဝ္သဝ္ေစ္ွအာ တဿာဂလိုင္ရ။ ဍာံဍာံဂ္ွ ထဝ္နဒ႘ မိက္ဂြံဆက္ခ်ပ္အာဇကုမြဲဓဝ္တုဲ ဗလးဖ်ဵဏါသၠအ္ရဲၐါဂ္ွရ။

ဗြဲစဿတ္ အတိုင္ဝင္ဟီုဂ္ွ -

ၿဗဵဗမာ ဆက္ကြာဲကႝုလဝ္သိဿင္ဗညာဒလဂ္ွ ပႜဲဍဳင္နန္ထဝ္ဟံသာဝတ႘ ဗီုကတႝုဒ္ွဒဿံင္ပကတိဂ္ွ ကႝုဏါပ႐ုိင္ကႝု အံင္ေဇယ် တုဲအိုတ္မံင္ရ။ ၁၁၁၉- သှာံ ပသာ္ၐါေစြက္ဏအ္မၢး ရဲညးဒုင္တၜဳင္ သြက္ဂြံပလံင္ေဢာံနန္သာဲကီု သြက္သီနန္ထဝ္ ဟံသာဝတ႘ကီု ဗာ္မြဲဒကုတ္ပိုတ္ၐါဒကုတ္ အံင္ေဇယ်ေဖ်ံလဝ္ဗီုတုဲ မြဲဒှာဲကႝုမြဲဒှာဲ ဟြံေသၛာဲျခာေအ္ွ ေဖ်ံစြံလဝ္ဒပ္ႀက႘ႀက႘ရ။ (ဟီုကၜးကၜးေတ္ွ အစ႘ဇန္ဆက္ကြာဲဂ္ွ လပၚဟံသာဝတ႘ပအပ္ကႝုေဢာံနန္သာဲ လပၚလဿအံင္ေဇယ်ဂ္ွ ပအပ္ကႝုညးၿဗဵဂကူဗမာေက်ဝ္ေက်ဝ္ကီု ဟီုစဂြံရ)

သှာံက်ာ္သဗၺညဳ - ၂၃၀၁၊ သှာံဂၜးတိ- ၁၇၅၇၊ သှာံဍဳင္ပ႙ု ၁၁၁၉၊ ေအက္ပိေရင္မံင္ နဝလံင္စုတ္ ခုတ္ယဿဳဍဳင္လီု ဗီုကဍာ္ျဂက္ ဗက္ကိုန္ဇာတာေလင္အာအိုတ္ေရာင္၊ ပယာံဂိတုပသာ္ဒစာမ္ေစြက္၊ တၛဲသိုက္၊ နာမ္မိှဟ္ဓာတ္က်ာ (ေလာကသိဒၶိ - ၂၈)အခိင္ဇေမှာ္သိှင္၊ သိင္သာေအာန္စိုတ္၊ လကုိတ္ဒ္ွဗေဟက္ ေဖက္ဂဿံက္ၿဂိဳဟ္ယာ္ လကုိဟ္သာ္စဖ်ဳန္ ဗမာ႐ုန္မႝု အဝႝုေဍံသကာတ္ ေသဏာတ္အမၜံက္ ေဍံဖံက္ပန္ထပက္ ကမၜက္ဂကူမန္ နန္ထဝ္ေဍံစံင္ ႐ုသံင္ဒိုဟ္ပန္ ဓဇန္စ္ွေကြံေဍံ လုပ္ဂြံဍဳင္ ဒုင္ေစှဟ္ဟြံမာန္ ပါဲဌာန္ေသၛာဲေသၛာဲ ဗက္ေဂၜာဲဇက္တိ တအ္အိုတ္ရ။

(အတိုင္ဝင္ဟီု ဗညာဗှဳဟ္ဗိုတ္၊ လိက္ကှပ္ေပင္ၾတဵေစွာ္ၐါ၊ မုက္လိက္- ၂၉)

လဿဳဟ္မၢး ကိဿန္ဍဳင္ဟံသာဝတ႘ပ႙ု လီုလာ္အာေပင္ကၜဳင္ - ၂၅၄- သှာံရ။ ဂကူမန္ပ႙ု ဒ္ွကၜဳင္ဘဝဍိက္ေလဝ္ -၂၅၄- သှာံလအ္ကၜဳင္ကီုရ။ ဆၢး ပေရင္သိႜဳက္ဆာန္သကိုပ္ပှာန္ တၜဗာန္ေကုာံေကာန္ဝုတ္ ေဢာံနန္သာဲတအ္ ယဝ္ရဂြံတီ ဂြံလၛတ္မၢး စႝုကႝုလဿဳဟ္ ထဝ္နဒ႘ဒ္ွဒဿံင္ လီှေသာကရ။

နကႝုေသှာဝ္ေသှာတ္ ေခတ္ပေဒသရာဇ္ေဟင္ ဒးကလင္အမိင္ဨကရာဇ္တၜတိတုဲ ဘဝသိႜဳက္ဆာန္ညးၐါဂ္ွ ဒးေသၛာဲျခာအာရ။ ပေရင္သိႜဳက္ဆာန္ဏအ္ဝြံ ရန္ကႝုဖိုလ္သြက္ဍဳင္ သြက္ဂကူတုဲ ဒုင္ပူဇဵပအပ္ ဂြိင္ေဖက္ဍဳင္လီုေဆာမ္အာတုဲ ဒးေသၛာဲျခာအာညးသၠအ္ရ။

ဟိုတ္ဂ္ွရ ပေရင္သိႜဳက္ဆာန္ညးၐါဏအ္ ထၞးဏါသက္သ႘တၜဍဳင္မိဟံသာဝတ႘ပ႙ုေပင္င္ရ။ ဝိညာဏ္ သိႜဳက္ဆာန္ညးၐါဏအ္ ဟိုတ္ႏူကႝုလုပ္ဗဗတ္ဒဿံင္ အပႜဲဂၜမ္ႀသိဳဟ္ထဝ္နဒ႘ဖိုဟ္ဏီဒ္ွတုဲ ထဝ္နဒ႘႐ုန္တိတ္ႏူသိှင္ အတိက္ဟြံမာန္ဏီရ။

ပိဿက္ဆႏၵထဝ္နဒ႘မၢး အေဃာကေရာင္ပှာန္ဟံသာဝတ႘ မှဳံဒဿံင္ပႜဲဍဳင္အင္ဝဂ္ွ နကႝုဓဝ္သံသယလုပ္ဖအိုတ္ဖအးေကၜံ ေထာံ ကြာန္လဿအံင္ေဇယ် စႝုကႝုအိုတ္အးမၢး…..

လတူသရာဲပှာန္တအ္ မုဒ္ွတၜတိဨကရာဇ္ဗညာဒလ ေစတနာသၜဲလး စ႐ုိတ္တပ္တး ေလပ္ဗစာရဏါဒးကႝု သရာဲပှာန္တုဲ လတူသရာဲပှာန္တအ္စပ္ကႝုဓဝ္ပေတ္ွ ယဝ္ရဗိုန္ဇဿအ္ဒဿံင္မၢး ျပယာဲဥပၸါဲဗမာ ဒဒ္ွရေဇှာ္ဒဿံင္ဂ္ွ မၵးစြံသတိေဇှာ္ေဇှာ္လိဿဳန္၊ ယဝ္ႏြံဒဿံင္အပႜဲေကာန္ညးဍဳင္ကြာန္ ဟံသာဝတ႘မၢး ပေရင္ဒးဒ္ွဓဝ္လီှ၊ ပေရင္ဍဳင္လီုဟီုဂ္ွ ပ႙ုဟြံဒးဒ္ွ ပ႙ုဟြံဒးဆႝုဂဗတုဲ နကႝုဘဝနာဲ၊ ဘဝတၜမံင္တန္တဵဆက္ကၜဳင္မံင္ဏီရ။

ဟိုတ္ဂ္ွရ ခန္ဗေတာန္၊ ခန္လၛတ္အပႜဲသိှင္အတိက္ထဝ္နဒ႘တအ္ ဒးေကတ္ေသှာဝ္ေစ္ွေစ္ွတုဲ သြက္ဂြံကၜးဖႜး အာအနာဂတ္ဂတ၊ သြက္ဂြံေရင္တၜဳင္အနာဂတ္ဂတ ပေရင္ဗၜးၐးဂကူမာန္ရ။

ထဝ္နဒ႘တအ္ကလိဂြံ ပညာပေရင္ပိုန္ျဒပ္ႏူဍဳင္လၢဳင္ဏအ္တုဲ သြက္ပိုန္ျဒပ္ေကာန္ဂကူမန္ ဂြံေဖာအ္ေျဗဝ္ ရာင္ကဵအာ ဟြံဒးေဆာမ္ျဗမ္အာဂ္ွ ဒ္ွတာလ်ိဳင္ထဝ္နဒ႘ရ။

နကႝုပေရင္ပိုန္ျဂပ္ ေဇှာ္ေဂါဝ္ေဟင္ ညံင္ဂြံထံက္ပင္ဘိုင္ေရင္တၜဳင္ ပေရင္ေကတ္ဗၜးၐးဂကူ ကေရာမ္ေကာျဇဟာန္ ထဝ္နဒ႘ဂ္ွ ဂတေတံလဂါမ္ဇိုင္ ဒးဆက္ဂါမ္အာေရာင္။

ကၜဳင္ဍဳင္xxxx ကၜင္နာဲ xxxx ဘဝဍိက္လဿဳဟ္ဒးမံင္ xxxxx ေပင္ျပင္ကၜဳင္ကၜံမသုန္ပန္သှာံဣရ xxxxx ဂကူပ႙ုဒ္ွဍိက္ၐါနာဲ xxxxx ကၜာေတံဆက္ကြာဲ xxxxx စရာဲဟြံမြဲပုဟ္နာဲ xxxxx ယဝ္ဒုင္ဆက္ကြာဲ xxxxx ကၜင္သီုယာဲအပါ xxxxx ဘဝနာဲႏြံပႜဲအႏၲရာဲ xxxxx

ဟြံည႘ xxxxx ဟြံလ႘ြ xxxxx ဟြံဒုင္ခ႘ xxxxx ဟြံမိက္ခ်႘မၢး xxxxx သဿဝ္တဲကဝ္လဝ္န႘ xxxxx ဒ္ွသြာၐ႘ xxxxx ဘဝနာဲဒးကၜင္ယာဲ xxxxx ည႘ညိလ႘ြညိ xxxxx ခ႘အာပ႙ုဂြံသာယ်ာ xxxxx

ကၜဟြံဆာန္ဍဴၿဒာဲ xxxxx သှဟြံဆာန္ဍဴနာဲ xxxxxx အာဲကဿာဲပ႙ုဗိၜဳက္မံင္ကိႜဳင္ဗတာင္နန္ထဝ္ အရင္သြက္ဂြံေကႅင္ဂြံ xxxxx (ဘဝဍိက္ဂ္ွ နာဲဒးထေဍင္ပတိတ္ေဏါင္နာဲ)

CHOး ႏူဍိက္ဂြံဒ္ွနာဲ xxxxx လၸၐူကာဲ xxxxx သတိၲဂံင္ဂံင္ xxxxx စိုတ္ဓာတ္ႀကံင္ၾကံင္ xxxxx ဒးဂံင္ေကႅင္ဒက္ပၲန္ xxxxx ဍဳင္မိတိမပ႙ုေဏါင္ xxxxxx

                                                                                         ရာမညအီဆာဲ