ေကၜာန္သၸေကာံဓရုီေဇှာ္ပေရင္ဂကူမန္ အပႜဲဍဳင္မန္ကၜာအုိတ္

နာဲေကာန္အိန္ (VOA)

ကၜာဲဘာသာ (သဿတ္)
ေကာံဓရုီေဇှာ္ပေရင္ဂကူမန္ ေကၜာန္သၸအာပႜဲဍဳင္ အလန္ကၜာ အုိတ္ေရာင္၊ ေသၢာံဒက္ပၲန္အာဓရ္ည႘သာ အၾကာဂကူမန္ကုီ၊ သြက္ဂြံပါလုပ္အာ ပႜဲပေရင္ထၼံက္ရုပ္ရဵ ပေရင္ၐုိဟ္လလံကုီ ရန္တဿံတုဲမေကၜာန္သၸေကာံဓရုီဏံဂွ္ သ႘ကၜ႘အာပေရင္ၐုိဟ္လလုံ ေကုာံ အေခါင္ တုပ္သဿဟ္ေကာန္ဍဳင္အရင္တံကုီေရာင္ သာ္ဝြံ ညးမစ႘ဇန္ေကာံဓရုီဏံမြဲတၜဟုီရ၊ သၟာင္ႏူဂွ္ပၜန္ ေဗာ္မန္တံညံင္ ဂြံပံင္အာဂွ္ေလဝ္ သ႘ကၜ႘အာေရာင္။

   ေကာံဓရုီဏံ ေဗာ္ပေရင္ဍဳင္ကြာန္မန္ဂမၜဳိင္၊ ဂေကာံမဟာဇန္ဂမၜဳိင္၊ မန္ဍဳင္သၟာင္ဂမၜဳိင္ပံင္ေကာံတုဲ ေကၜာန္ဂွ္ အလုႝသ႘ဍဳင္တံ ကုႝအေခါင္တုဲ ေကၜာန္သၸအာဗဗြဲဓဝ္ေရာင္ သာ္ဝြံ ဒုဥကၠဌ ေဗာ္ဒ႘မဝ္ကေရသ႘မန္ နာဲေတန္အံင္ဟုီရ။

“ညးတံဒုင္တဲ၊ ဘိက္ပဿိင္အာ ဝန္ေဇှာ္မလုပ္အေဝါင္ အလုႝသ႘ကဿိန္ဍဳန္တံေရာင္၊ ဝန္ေဇှာ္တြဳႝရးတံေလဝ္ဘိက္အာေဏါင္၊ ဝန္ေဇှာ္ဂမၜဳိင္ေလဝ္ဘိက္အာေဏာင္၊  အလုႝသ႘ကဿိန္ဍဳင္ဒုင္တဲေတွ္ ဒွ္ဗဗြဲဓဝ္ေဏာင္ ပု႙တံစဿတ္သၲီလဝ္ရ။

ေကၜာန္သၸအာ ပႜဲေဢာံခန္တြဳႝရး မှဳံလၲဴဍဳင္မတ္မလုီ ပႜဲကုႝစဿတ္တၛဲ ၂၈ စုႝစုိပ္ စဿတ္တၛဲ ၃၀ ပႜဲဂိတု သာပ္ေတမ္ဗာ သှာံ ၂၀၁၃ ဏံရ၊ ႏူကုႝပေရင္ေကာံဓရုီေဇှာ္ဏံ ေဗာ္မန္တံဂြံပံင္မာန္ေလဝ္ ပု႙ဂၥာန္အာေရာင္၊ သာ္ဝြံ နာဲေတန္အံင္ဟုီရ။

ေဆင္စပ္ကုႝေကာံဓရုီေဇှာ္ပေရင္ဂကူမန္ဏံတုဲ ဥကၠဌကမၼတ႘ေကၜာန္ဗဒွ္ ေကာံဓရုီေဇှာ္ပေရင္ဂကူမန္ နာဲက်႘ေဝန္ (ဟံင္ဍဳင္) ဟုီသာ္ဏံရ။

“ပႜဲဍဳင္ေတွ္ ဣဏံအလန္ကၜာအုိတ္ဟုီဂြံ၊ အလန္ဒုတိယေတံေတွ္ ေကၜာန္သၸအာ ပႜဲဂိတု ဒ႘ေျဇန္ဗာေတံေဏာင္၊ “ေကၜာန္အာ Mon National Covention (သၻင္သ႘ကၜ႘ေကာန္ဂကူမန္) မြဲေဏာင္၊ သြက္ဂွ္ေလဝ္ပါ၊ မြဲပၜန္ဂွ္ေတွ္ အလုံဂကူမန္ ည႘သဿဟ္တုဲ ညံင္ဂြံဒွ္ျဇဟတ္မြဲကုီ၊ မြဲပၜန္ဂွ္ တၛဲဏံ ပႜဲကုႝဍဳင္ပု႙ ထၼံက္မံင္ရုပ္ရဵ ပေရင္ၐုိဟ္လလံဂွ္ ဂကူမန္ပု႙ေလဝ္ တုပ္သဿဟ္ကုႝေကာန္ဍဳင္ အရင္တှဟ္ဟ္ကုီ အခန္က႑ပု႙ပါလုပ္မာန္ကုီ ပႜဲက႑တှဟ္ဟ္ကုီ၊ ပႜဲကုႝပေရင္ေဖာအ္ေျဗဝ္ကုီ သြက္ဂြံဒက္ပၲန္အာကုီရ”။

ေကၜာန္ေကာံဓရုီတံဏံဂွ္ စဿ႘စလဝ္ သြက္အရာဒက္ပၲန္ပေရင္ၐုိဟ္လလံကုႝ အေခါင္တုပ္သဿဟ္ေကာန္ဍဳင္အရင္တံေလဝ္ ပါမံင္ကုီ သာ္ဝြံ ဒံက္တာေမန္က်႘ေဝန္ဟုီရ။

“ထၼံက္အာရုပ္ရဵ ဓရ္ည႘သာသဿဟ္န္မာန္ေဏာင္ အဲေစွ္စုိတ္၊ ပႜဲကုႝအရာဒက္ပၲန္ပေရင္ၐုိဟ္လလံ နကုႝဂကူမန္ပု႙ ဂြံကုႝသၢဳတ္ သြာတ္ ဗုီဂကူတှဟ္မာန္ကီု၊ ဂြံဒွ္မြဲရမ်ာင္ဗုီညးတှဟ္ကုီ ရန္တဿံလဝ္ရ၊ ေကာန္ဍဳင္အရင္တံဖအုိတ္ဂွ္ အာတ္မံင္အေခါင္ကံကုသုႝ ဇကုဇကုဂြံဖန္ဖက္ေကတ္မာန္ နဒဒွ္တင္အဓိက အာတ္မိက္ကၜဳင္မံင္ရေသင္ဟာ၊ ပေရင္ဏံဂွ္ စုႝကုႝတၛဲဏံ ထၼံက္မံင္ရုပ္ရဵ ဟြံ မာန္ဏီဖုိဟ္၊ ေတာ္ကုႝအကာဲရာ ပေရင္ဍဳင္ကြာန္ပု႙တၛဲဏံတုဲ နကုႝဂကူပု႙ေလဝ္ ဒးဂၥာန္ပါလုပ္အာ ပႜဲကေရာံဏံကုီေဏာင္”

ေကာံဓရုီဏံဂွ္ ေဗာ္ဍဳင္မန္တဿိ၊ ေဗာ္ဒ႘မုႝကေရၿဇ႘အလံုရးမန္၊ ေဗာ္ဒ႘မဝ္ေရသ႘မန္၊ ဂေကာံသဿတ္၊ ဂေကာံသင္၊ ဂေကာံညးၿဗဵ၊ ဂေကာံပံင္ေကာံမန္ဍဳင္သၟာင္တံ ပၜတရဵတုဲေကၜာန္ကၜဳင္ေဏာင္။

စပ္ကုႝပေရင္ေဗာ္ ပႜဲဍဳင္မန္ၐါေဗာ္ဂြံပံင္ဂွ္ ဒုဥကၠဌေဗာ္ဒ႘မဝ္ကေရသ႘မန္ နာဲေတန္အံင္ ဟုီတဵသာ္ဝြံရ၊ “ဂြံပံင္ဂွ္ လညာတ္ဟြံ ၾကပ္ဏီပုဟ္ သၨဳိင္တုပ္သဿဟ္ဂွ္ႏြံ အတုိင္သင္တံပည႘လဝ္ဂွ္ မြဲဂိတုမြဲဝါဆုႝမံင္ သြက္ဂြံပံင္ေကာံဂွ္ ဒးဂၜာဲယဿဳမြဲေဏာင္ ယဿဳတဿိမြဲဟုီ ဟဂွ္ ၂၀၁၄ ေတံအုိတ္ပံင္ေဏာင္ဂွ္ သုီၐါေဗာ္ ဒုင္လဝ္တဲႏြံ ဆဂးဂွ္ သင္တံကုႝလညာတ္မြဲ ၂၀၁၄ ေတံေတွ္ လဇုဲအာေဏာင္ ဟုိတ္ဂွ္ရ ၂၀၁၃ ဂိတုဒ႘ေျဇန္ဗာဏံအုိတ္ အစ႘ဇန္ပံင္ေကာံဂွ္ မိက္ဂြံကုႝေကၜာန္ေထာံ”

ေကာံဓရုီဏံဂွ္ အရာရာအလန္ ေကၜာန္သၸဒဿံင္ပႜဲပယ်ဳႝတုဲ လဿဳဟ္မွဂြံေကၜာန္ပႜဲဍဳင္အလန္ပထမရ၊ ပႜဲေကာံဓရုီဏံဂွ္ နကုႝေဗာ္ ဍဳင္မန္တဿိ “ဒက္ပၲန္အာပေရင္ၐုိဟ္ဟလံဍဳင္ဍာ္ဇမၜိင္”၊ ေဗာ္ဒ႘မဝ္ကေရသ႘မန္ “ဓဝ္ည႘သာပႜဲဂကူမန္”၊ ေဗာ္ဒ႘မုႝကေရၿဇ႘အလုံရး မန္ “ပေရင္ၐုိဟ္လလုံေကုာံပေရင္ေဖာအ္ေျဗဝ္ဍဳင္”၊ ကမၼတ႘ပံင္ေကာံမန္ဍဳင္သၟာင္ “မဟာဗ်ဴဟာဂကူမန္” သာ္ဝြံ ဗွ္အာလိက္စံင္ ဂမၜဳိင္ေရာင္။

ေကာံဓရုီဝြံ ပဿိက္ေဇှာ္သြက္ဂကူမန္ကုီ၊ တုဲပၜန္အရာဂြံထၼံက္အာရုပ္ရဵ ပေရင္ဆာန္ကဿိန္ ေကုာံဓဝ္ည႘သာ အၾကာဂကူမန္ ကုီ၊ ေသၢာံထံၼက္အာရုပ္ရဵ ပေရင္ၐုိဟ္လလံကုီ ရန္တဿံလဝ္ေရာင္ သာ္ဝြံ ဥကၠဌကမၼတ႘ေကၜာန္ဗဒွ္ ေကာံဓရုီေဇှာ္ပေရင္ဂကူမန္ ဒံက္တာေမန္က်႘ေဝန္ဟုီရ။