မုဟိုတ္ဂၜဳင္ပ႙ု ဟြံစိုပ္တရဵ

  ရံင္ကႝုကိႜဳပ္လိက္ဏံတုဲ ညံင္ဂြံကိတ္ည႘ကႝု အကာဲအရာပေရင္ေကာန္ဂကူကီု ကၧံင္ေကာန္ဂကူပ႙ုတန္တဵ ဆႝုညာတ္မံင္အခိင္တၛဲဏံ ဗြဲမဗဗြဲကႝုေခတ္လညာတ္ ပေရင္ဆႝုဂဗဂတမတ္ အရာအိုတ္သီု ပြမဇီုက ပိုက္ကၜဳင္ ကီု ပြမဒးဒုင္စသိုင္ကီု ကႝုဖ်ဳန္ကႝုပေရင္ဒဒ္ွဍာံ ဂတမတ္တုဲ မိက္ဂြံခ်ဴဏါရ။

  မန္ဟီုမၢးဂ္ွ မြဲအခိင္ေတံ မေဇှာ္ေဂါဝ္ျဟကတ္ကၜဳင္လဝ္ အၾကာဝင္မှဳံသၻဵေဍံ ဟြံဖ်ဝ္မာန္ညး မှဳံအေစာန္စရာဲ ဟြံဒး ဟြံဒုင္ ကိႜဳပ္သိၠဳပ္ပိုင္တိပိုင္ဍဳင္ ေကုာံ ေကာန္ညးဍဳင္ကြာန္ ပေရင္ယုိက္ဒိုက္ထံက္ပင္ ညးမြဲေကုာံညးမြဲ ညံင္ရဵ ေကာေဒံအရင္ မေစ္ွကၜဳင္မြဲဂှဵ ဆာန္ကိဿန္ေသှံသှဵကၜဳင္လဝ္ဂ္ွ အၾကာဝင္ေကာန္ဂကူ တုဲတုဲကၜဳင္ေတံ နကႝုသက္သ႘သာဓကဗဲြမဂၜိဳင္ ေကင္ဆႝုေကင္မိင္ကၜဳင္လဝ္ သီုညးဖအိုတ္ေဏါင္ဂ္ွ ပ႙ုေထင္ေကတ္ရ။

  ဆၢး ပႜဲကႝုဝင္မြဲပၛံက္ စႏူသိဿင္ေသှာဝ္ပ႙ုလကၠရဵ သိဿင္ဗညာဒလ ဟိုတ္ႏူဟြံစိေစာန္ လၲဴကေမၜာန္ ဟြံယိုက္ဒိုက္ထံက္ပင္ ေကာန္ဂကူတုပ္ကႝုဇကုမြဲစြံ ဒုင္ဖ်ဝ္မာန္က်ကၜဳင္ဂကူညးတုဲ အလုံေကာန္ဂကူပ႙ု တက္ ကၜဳင္လဝ္တဆိပ္ ဘဝဍိက္ဒုင္ဇိက္ကၜဳင္မံင္ဂ္ွ ဒႝုကႝုအခိင္တၛဲဏံ ဘဝမန္ညံင္ရဵေသၛာဲတိတ္ႏူ ဆီၾသိဳဟ္မန္ ကီုတုဲ ဇဿာပ္ပ္ေကၜာန္ဏါ အရာအိုႆီု ညံင္ရဵကြာ္မံင္လၸာ္ေကႅင္ ယုတ္ေဒက္လဇုဲလဇကၜဳင္ ဗက္လဂါမ္ဇိုင္ ညး တှဟ္ေလဝ္ဟြံမာန္ အၾကာပ႙ု ကုပ႙ုပၜန္ ဟိုတ္ႏူဆီဍိက္ ဓလီုုဂြံစိုတ္ဓါတ္တုဲ ညးမြဲေကုာံညးမြဲ ဓဝ္ပေတ္ွ ဟြံဗိုန္ကၜဳင္လၲဴညးသၠအ္ ဓဝ္ေအင္ဒုင္လဟုတ္ကၜဳင္ ဟီုေလဝ္ဟြံေကတ္ ေဝတ္ေလဝ္ဟြံဒုင္ ဓဝ္ည႘သာ မြဲ ေသၛာဲျခာကၜဳင္ႏူပ႙ုတုဲ ငၛဳဟ္မးေကာန္ဂကူပ႙ုေလဝ္ ဟြံပုႝၐက္ႏူ သုညဏီဂ္ွ ရံင္အကာဲအရာကေမၜာန္တုဲ မိက္ဂြံ ဟီုဒှါဲဏံရ။

   အာဲကဿာဲသိဿင္ဗညာဒလ ပြမဒုင္ဖ်ဝ္မာန္ကႝုညးတှဟ္ ပြမကႝုသၸဍိက္ညးတှဟ္ ပၚပရအ္ဇိုန္ဏွင္ကႝုလဝ္ ကုမန္ပ႙ု အခိင္တၛဲဏံဂ္ွ ဇဿာပ္ပ္ဒှါဲယဝ္ေကႅင္ရံင္ ဗီုမန္ပ႙ုအာေထာံဌာန္ေထာံဒှာဲတုဲ ဟြံေကႅင္ခ်ပ္ဇူဒီု အာမံင္ ဟြံတီတမ္ေကှာတ္ ေျဇာတ္ပိၲတ္မံင္ ဆီဇာတိဂကူ ပံင္သှဵအာကႝုညးဂမိၜဳင္တုဲ တုပ္တဵညံင္ရဵဂကူအ႐ုိင္ ကီု

   ဗီုမန္ပ႙ုေကၜာန္ ေကၜာန္ဂ္ွေကၜာန္မံင္ရ ဟြံခ်ိင္ဘဝသၜဒေကဝ္ က်ပရဲပိုင္ျခာဟြံေလပ္ အိုတ္ေကှာတ္ေၾကပ္မံင္ အၾကာညးဟလိုင္ ဇကုဖဲေတ္ွတုဲ ပရဲဂုဏ္ဂကူဟြံ႐ုိင္စြံလဝ္ကီု

   ဗီုမန္ပ႙ုဒ္ွမံင္အခိင္တၛဲဏံ ညိဟြံတုပ္သၠဵဂကူမန္ကၜာေတံ လ႐ုိအ္အာတ္မံင္အေခါင္အရာ နဇိုင္နတဲဟြံထၞး အေစာန္ မိက္ဂြံဒုင္စသိုင္ ျဂဵမံင္ဘဝရမ်ာင္သဿးကီု ဒဒ္ွဍာံဏံယဝ္ဟြံေကႅင္ရံင္ ပ႙ုဂ္ွဂကူမန္ဍာံဍာံရဟာဂ္ွ ၾကပ္ ဒးေကႅင္သဿာန္ မံင္ရ။

  သဘာဝဂကူမန္ဟီုဂ္ွ မှဳံလကၡ်ဏ္ေဍံ ဍိဳန္ေဍာတ္ဇိပ္ဂၜိပ္ ေယန္သှာင္စိုပ္ေကှာတ္ ပဋိညာဏ္ စိုတ္ဓါတ္ ယႝုလၢဴ ေလပ္ ဆာန္ဍဴညးဟလိုင္ မင္မြဲဇာတိေကာန္ဂကူ ေလပ္သၜဳင္ပိၲဳန္ဘာသာသာသနာ မှဳံလ႘ြစိုတ္ဓါတ္ ထိင္ဒက္မင္မြဲ အာဲကဿာဲတအ္မဒ္ွရ။တုဲပၜန္ ေလပ္ကိၜဳဟ္ျပယာဲညးဟလိုင္ အကာဲအရာပ႘ြပြိဳင္ ဗီုလႝုကၜဳင္င္ ပေရင္ဇီုကပုိက္ ဗီုလႝုဆႝု ဂဗဆႝုဂဗ မှဳံအေစာန္စရာဲ မံင္ေလပ္ အာေလပ္ စေလပ္ တန္တဵေလပ္ ဟြံဒးေ ဝတ္ေဗၲာန္ ဂၜိဳင္ ဟီုဏါမြဲပါင္ ဒႝုကှာင္ဘဝကဝ္ လုပ္စင္မံင္ပႜဲေကၲာဝ္ မင္မြဲေဒၢတ္ဗက္ကၜဳင္လဝ္အိုတ္ရ။

  ဆၢး အခိင္တၛဲဏံ ကၧံင္ဘဝေကာန္ဂကူပ႙ု ယဝ္ေကႅင္ရံင္ ဟိုတ္ႏူဒုင္ပံင္ကၜဳင္လဝ္ သဿဝ္တဲညးတှဟ္ ဂၜိဳင္ကႝု သှာံ ဂၜိဳင္ကႝုအခါတုဲ ဒှာဲဇကုေဇတ္ဍာံ ဌာန္ဇကုအပိုင္ဂ္ွ ေထင္ဂးမံင္ဒှာဲညးျဂပ္ညးတုဲ ဝိုတ္တိၜင္ကၜဳင္မံင္ ဒှါဲဇကု ေဖ်ာန္မံင္ အရံင္ကႝု ဘဝဍိက္ပၜက္ ေထင္ခယ်ဂးမံင္ ဘုံစသုင္ဟြံအိုတ္ ဗီုေဍံေစှာန္ဂ္ွအာ လၸေကႅင္ဟီု ဗီုေဍံစြံဂ္ွမံင္ လၸရပ္အလံင္ ေဍံဟြံဒးစိုတ္သီပၜံင္ဏါ လၸပါင္ဟာ ဘဝဒးဒုင္စင္မံင္ခဗာဲဗီုတံဏံ ဂၜိဳင္ကႝုဗြဝ္သှာံ ငၛိတ္ကမၜက္လဝ္ ဓဝ္ဍာံဘဝပ႙ုတုဲ ႏူကၧံင္ဏံပ႙ုေလဝ္ ငၛဳဟ္ကၲႝဳဟြံမာန္ မိပ္မံင္ကႝုဘဝဍိက္ဖိုဟ္ ဓဝိင္ဒတဵေလဝ္ ဟြံမြဲ ဗီုညးညးအာ ဗီုညးညးမံင္ ဗီုညးညးေကၜာန္ စ႘ေပှာန္အနာဂတ္ေကာန္ဂကူေလဝ္ ေဖ်ံကၜဳင္လဝ္ဟြံမြဲကီုတုဲ မံင္အၾကာညးဂုဏ္ စရာဲသဝ္ တုပ္တဵညံင္ရဵ ဂၜဳင္သၜေသှဝ္ပိုတ္မြဲေလၵာဝ္ၐ႘ ဟ႘အာဟ႘ကၜၜဳင္မံင္ ဟြံမြဲကႝုသှာံ အပိုင္အျခာ တၛဲလႝုဂြံစိုပ္ၾသင္  အၾကာဘဲဍဳုင္ဇကုေကၜၜံမံင္ဂ္ွ ကၧံင္ဘဝဂကူပ႙ုေလဝ္ ခမ္ပိၲဳန္ဟြံမာန္ကၜဳင္အိုတ္ရ။

   တၛဲဏံ မိက္ဂြံဆဝ္မၛဳဟ္ဏါ အလုံဂကူမန္ ဘဝပ႙ုႏြံမံင္အလႝု တၛဲဏံပ႙ုဒးတီေထက္ရ။ ပ႙ုဟ႘ကၜဳင္မံင္ ဂၜိဳင္ကႝု သကၠရာဇ္ဂ္ွ တၛဲဏံသိဿင္မန္ပ႙ု ၐိုန္ဟြံမံက္ဂတဝ္ျပာကတ္ဏီ ကႝုဒ္ွကၜာေလဝ္ သြက္ပ႙ုဒးေအာန္စိုတ္ဂ္ွဟြံမြဲ အလႝုလႝုဇကုပ႙ု ပ႙ုဒးေၐတ္လုပ္ကၜာရ။ ဂံင္တတ္ထပၚမွ တသိုက္ေဍံဂြံစိုပ္ကၜဳင္မာန္ ပ႙ုသိၜင္မံင္ဗီုေၾတံဂ္ွ ဟြံေထက္ရ။ ကမ္ဇာတာေကာန္ဂကူပ႙ု ဒးႏြံပႜဲတဲ ေကာန္ဂကူပ႙ုေဟင္ရ။

   ပ႙ုမင္မံင္ျဇဟတ္ထံက္ပင္ ေကာန္ဂကူဟလုိင္တုဲ အေစာဲစရာဲပ႙ု ပ႙ုဟြံဂံင္ေၐါတ္ပိၲတ္ ပ႙ုဟြံဂံင္တတ္ထပၚမၢး အနာဂတ္ေကာန္ဂကူပ႙ု ဂြံစိုပ္ကၧံင္သၜဳင္င္ ဂြံကႜစိုပ္ညးတှဟ္မာန္ဂ္ွ ၐိုန္ရစိုပ္တရဵအံင္ဇှးအာမာန္မံင္ကီုေလဝ္ ဨကန္ ပ႙ုဒးေကႅင္မံင္ သဿဝ္တဲေကာန္ဂကူညးတှဟ္ မြြဲပၜန္ေဟင္ရ။

  ဟိုတ္ဂ္ွရ ကမ္ဇာတာပ႙ုဍိဳန္မံင္အခိင္တၛဲဏံဂ္ွ ရန္တဿအ္ကႝုအလုံေကာန္ဂကူ ပ႙ုသီုဖအိုတ္ မုပ႙ုဟြံေကၜာန္မြဲသာ္ ဟြံ ပေလဝ္ပေလတ္မြဲသာ္ ဟြံဂၥာန္မြဲသာ္ ဂတဏံပ႙ုဆက္မံင္အာ ဆက္မိပ္လဟိင္အာ အတိုင္ေၾတံပၜန္ရဟာ?

  ဘဝဂကူူပ႙ု စိုပ္မံင္ကၧံင္ဏံဂ္ွ ပ႙ုဗၵန္လဝ္မတ္စးလဝ္ကရဵတုဲ ညံင္ကႝုတာလ်ိဳင္ပ႙ုဟြံမြဲ မင္မံင္ကႝု ကိႜဳပ္သိၠဳပ္ပ႙ု ေစာန္န္ ကၜဳင္ဘိုင္ပေဠဝ္ ကၜဳင္ဘိုင္ေဖ်ံကႝုစ႘ေပှာန္ဂ္ွ အခိင္တၛဲဏံ ဟြံေလာဲသြာပုဟ္ဂ္ွ ပ႙ုေစ္ွစိုတ္ရ။

  အလႝုဇကုပ႙႙ု ဒုင္ဂိုင္ေကတ္လဝ္ ေကာန္ဂကူေဏါင္ေတ္ွ ဇကုဇကုပ႙ုနကႝုုဓဝ္ပေတ္ွမြဲ ပ႙ုဒးပေဠဝ္ေ ကတ္ ေထက္ ပ႙ုဒး လ႘ြၐံင္ေကတ္္ေဟင္ရ။

  ပႜဲအရာပြပ႙ုမလ႘ြၐံင္ေကတ္ မုပ႙ုဒးပေဠဝ္ေရာဟီုေတ္ွ ဗြဲကိုပ္ကၜာဟိုတ္ႏူပ႙ုတံ ကႜတ္ပၚတိတ္ပၚတိတ္ ကၜဳင္ ႏူပ႘ြဗိြဳင္ဗ႘ဇေကာန္ဂကူမန္တုဲ ယဿဳမေဆင္စပ္ကႝုအလုံအိုႆီု မပၲံကႝုယဿဳဍဳင္ ယဿဳကြာန္ ယဿဳဌာန္ယဿဳအရာပ္ ယဿဳဘာ ယဿဳကဿာ ကေပါတ္စကာမံင္ အလုံသီုဖအိုတ္ကီု အိုတ္ေကှာတ္ ယဿဳဇကုဇကုေလဝ္ ဒးဒ္ွယဿဳ ဗိုတ္မန္ေဟင္ရ။

   ဠဂ္ွမွဒှာဲလႝုစိုပ္ပ္ ဌာန္လႝုမံင္မံင္ ဆႝုဒးမိင္ဒးယဿဳတုဲ ဟြံဒးေကႅင္သဿာန္ၐါပါင္ ဍဳင္မန္ကြာန္မန္ ဌာန္ မန္အရာပ္ မန္ ဘာမန္ကဿာမန္ ကေပါတ္သုင္ေစာဲမန္ ဇကုဇကုေလဝ္ ဒ္ွေကာန္ဂကူမန္ေဏါင္ဂ္ွ ရံင္ ေကတ္ယဿဳမန္ဏံတုဲ ေဍံျပာကတ္မံင္တုဲတုဲမံင္ရေဏါင္။

   ေစ္ွႏူဂ္ွပၜန္ အေရဝ္ လိက္ပတ္ ဘာသာ ေယန္သှာင္အခိုက္ကှာ မေလပ္သၜဳင္ပိၲဳန္ကႝုငၛဳဟ္မး ကၧံင္ဂကူပ႙ုဂ္ွ ပ႙႙ုဒးမင္မဲြ ေလပ္ ပ႙ုဒးသၜဳင္ပိၲဳန္ေလပ္ ပ႙႙ုဒးယႝုထၞေလပ္ကီုေဏါင္။

   ေကာန္ဂကူလႝုမြဲဟြံဟီု လမ်ီဳေကာန္ဂကူဂြံေသ္ွၐက္မံင္ဂ္ွ တန္တဵမံင္ကႝုအေရဝ္ လိက္ပတ္ေဟင္ရ ၊ အေရဝ္ေကၜံမၢး ဂကူကၜက္ေဏါင္ လိက္ပတ္ေကၜံမၢး ဝင္ဒဒ္ွဍာံေကုာံ ဗ႘ဇဂကူကၜက္ေဏါင္ မဒ္ွရ။

  အခိင္တၛဲ ဟိုတ္ႏူဂကူမန္ပ႙ု သၸတန္တဵမံင္ဌာန္ဇ႘ အလုံဂၜးတိမြဲတုဲ ဝင္ဂကူမန္ မႏြံကၜဳင္အတိက္ေတံကီု ပစၥဳပၸန္ ဏံကီု ဒဒ္ွဂကူမန္မြဲႏြံမံင္လၲဴေလာကဏံကီု ညးဂမိၜဳင္တီဂ္ွ ခိုဟ္မံင္ရ။

ဆၢး ရဲစိုပ္အာဌာန္ေသၛာဲေတံဗြဲမဂၜိဳင္ ဗၜးတိတ္ကၜဳင္ႏူဍဳင္ကြာန္မန္ပ႙ုတအ္တုဲ သဿတ္အနာဂတ္မဗ႘ဇပ႙ု သြက္ ဒးၿဇိဳင္ စိုတ္ဂ္ွ ဆႝုမံင္တဿာဟလုိင္ရ။

  ဗြဲမဂၜိဳင္ ေကာန္ငၛာ္အနာဂတ္သဿတ္မန္ပ႙ု အေရဝ္ေကုာံလိက္ပတ္ ဟိုတ္ႏူေယာင္ကၜဳင္တုဲ စိုပ္မံင္ကၧံင္ ၐိုပ္ေလဝ္ဟြံစိုပ္ အဒါေလဝ္ဟြံေသင္ ရမ်ာင္ၿဂဵဟြံကၜးကၜဳင္ ခက္မံင္အၾကာဂၜံင္ဍာန္ မံင္တိဍာ္ညး အေရဝ္ညး လိက္ ပတ္ညး ဒးလၛတ္ဒးေဗၲာန္ဂ္ွ ဓမၼတာမြဲရ။

ဆၢး ၾကက္ဗ႘ဇဘဝဂကူပ႙ု လမ်ီဳေကာန္ဂကူပ႙ု အနာဂတ္ဘာသာပ႙ု လေတင္ဆီဂကူ မတြံဂးေယန္သှာင္ပ႙ု ပ႙ုဒုင္ ကၜက္အာ အတိုင္ဏံရဟာ?

အခိင္တၛဲဏံ ယဝ္ပၚပါဲဂၜာဲတမ္ မန္ႏြံမံင္ဂၜိဳင္အိုတ္ပႜဲဍဳင္ပ႙ုေတံ စရင္ဂကူမန္ႏြံမံင္ ဟလိုင္လႝုေရာဟီုေတ္ွ အလုံမြဲ ကိဿန္ဍဳင္မန္-ဗဿာဂ္ွ ၐတ္ေကှာတ္ကႝုဂကူညးဟလိုင္မၢး ဂကူမန္ ႏြံမံင္ဆအယာံမာတ္ ၂% ဓဝ္ရ။

လိဿဟ္ေကာန္ဂကူပ႙ု ၐိုတ္ဆ၂%ဓဝ္ဟီုဂ္ွ ၾကပ္မံင္သဿန္ပါင္ဣယ် ညိပၜန္ေတ္ွ ဗိၜဳက္တီှေကၜံအိုတ္ေဏါင္။ နာဲဒ္ွ ဂကူမန္မြဲ နာဲဆာန္မံင္ဂကူမန္ဟလိုင္လႝုေရာဂ္ွ နာဲေကႅင္ရံင္အာလိဿဟ္မိှဟ္ဂကူမန္ ၐိုတ္ဆ ၂%ဏံတုဲ နာဲဟြံ ေထက္ကႝုဒးဂြိင္ပုဟ္ဟာ?

  ဂကူမြဲေကင္ႏြံကၜဳင္လၲဴဝင္ အတိက္မြဲအခိင္ေတံ ေကင္ပိုင္ဍဳင္ပိုင္တိဍာ္ သီုကႝုသိဿင္တၜတိအပုိင္ လိဿဟ္ေကာန္ဂကူ ပၜန္ ႏြံဂၜိဳင္ကႝုျပေကာဋိကိုဋ္ ႐ုိဟ္လိဿဟ္ဟြံမာန္ဂ္ွ အခိင္တၛဲဏံ အလုံကိဿန္ဍဳင္မြဲ ေသ္ွဆ ၂% ဓဝ္ဟီုဂ္ွ ဗီုလႝုဂြံဒုင္တဲ မာန္ေရာ?

ယြံညးတၜပညာတအ္ ၾသဝ္ဘိုင္ခ်ပ္ဘိုင္ကႝုကသပ္အိုတ္ညိ ဟြံလံလၲဴေလာကဏံ ဟြံျခာကႝုအခိင္ ဂကူမန္မြဲ ဒးဒုင္ ေကၜံကၜက္အိုတ္ေဏါင္။

  မုဟိုတ္ဂၜဳင္ပ႙ုဟြံစိုပ္တရဵဟီုဂ္ွ ဟိုတ္ႏူပ႙ုတအ္စိုတ္သာသၸအ္ဂၜိဳင္ တာလ်ိဳင္ဂကူသီုဖအိုတ္ ပအပ္ဇီုလဝ္ကႝု ညး တာလ်ိဳင္ကိႜဳက္ပ္တအ္တုဲ ဇကုဇကုပ႙ု သၸမံင္ဆရဲဗႝုေဝင္ဓဝ္ဂ္ွရ တရဵပ႙ုေသၛာဲကၜဳင္မံင္ တရဵပ႙ုအာဂ္ွေလဝ္ ညာတ္မံင္ရ။ ဂၜဳင္သြက္ပ႙ုဂြံေစၜာံ ဂၜံင္တရဵပု႙ဂ္ွေလဝ္ ႏြံမံင္ရ ေသ္ွမံင္ ဆရဲဒုန္ဂၜဳင္ကႝုရဲရပ္ေသှဝ္ဓဝ္ရ။

ရဲဒုန္ဂၜဳင္သဿးႏြံမံင္တုဲ ရဲရပ္ေသှဝ္ဟြံမြဲဂ္ွ ညံင္ရဵဟြံစိုပ္တရဵကီု ရဲရပ္ေသှဝ္သဿးႏြံပၜန္ ရဲဒုန္ဂၜဳင္ဟြံမြဲဂ္ွေလဝ္ တရဵေဍံ ေသၛာဲမံင္ပၜန္ရ။

ဟိုတ္ဂ္ွရ ဂၜဳင္ပ႙ုညံင္ဂြံစိုပ္တရဵဂ္ွ ပ႙ုပေတ္ွမံင္ကိႜဳပ္သိၠဳပ္တအ္သဿး ဟြံတုဲပုဟ္ ဂၜံင္တရဵတိုင္ပၠဵေလဝ္ စိုပ္ကၜဳင္မာန္ ဟြံေသင္ပုဟ္

ပ႙ုတအ္ေလဝ္ ညံင္ဂြံဒုန္ဗစုိပ္ ဗေပင္ပါရမ႘ကေရာံညးတအ္မာန္ဂ္ွ ညးညးအဲအဲတာလ်ိဳင္ႏြံမံင္ သီုညး ဖအိုတ္ ေဏါင္။

ပ႙ုတအ္သီုညးဖအိုတ္ အခိင္ဂကူပ႙ုေၾကပ္မံင္ဏံ ညံင္ဂြံႏြံကႝုငၛဳဟ္မး လၲဴဂကူကီုဂ္ွ ဝင္ပ႙ုပ႙ုဒးဂံင္ခ်ဴေဏါင္ အေစာန္ စရာဲပ႙ု ပ႙ုဒးဂံင္ပိၲတ္ေဏါင္။

  အခိင္ပ႙ုဂ်ိဳင္မံင္ မြဲခ်ိဳန္ခဏဏံ ကၜာဟြံဂြံစိုပ္သုသာန္ဏီ ယဝ္ရမိက္ဂြံဆႝုမံင္ ဂကူမန္ဗၜးၐးမၢး တၛဲဏံ အၡိင္ဏံ က ေမၜာန္ေထက္ကႝုပ႙ုဒးေကၜာန္ တာလ်ိဳင္ေထက္ကႝုပ႙ုဒးေကတ္ဂ္ွ ညးညးအဲအဲ စြံငၛဳဟ္မးကႝုဘဝဇကုဇကုတုဲ အလုံေကာန္ဂကူပ႙ုသီုဖအိုတ္ တဲည႘ကသုည႘ ပ႙ုဆက္အာတရဵအိုတ္စိုအ္ဂ္ွ မိက္ဂြံဟီုဏါဒှါဲဏံရ။

                                                                                                ေကါန္တၜမန္

                                                                                                09/11/2013