လုပ္ဒုင္စသိုင္ "ကဗ်လၲဴဂၜံင္တရဵပၜန္ဂတး"

 "ႏူေတံဒႝုကႝုလဿဳဟ္ပၜန္- ဂကူပ႙ုမန္ညံင္ရဵေကာန္ကၜင္- ဒးၾကင္ေၾကာဝ္မံင္ပႜဲ လိုက္ဒးဆႝုဒဒိုက္နာနာ- ဒဿာႏူဍဳင္ပ႙ု ေဆာံအာ ဌာန္လႝုအာအာ- သိကၡာဟဿဲ အဝႝုညးအဲသၸမာန္- သႏၲာန္လႝုပ႙ုဂြံဇူဒီု(ဌာန္လုႝပ႙ုဂြံဇူယီု)- ဍဳင္ကြာန္လႝုပ႙ုဂြံဇူ ယီု -သြက္ေကာန္ဂကူမန္- ဗ္ွသှာေလာန္ဍဳင္ပ႙ုသီု ကႝုနန္----" ဒြက္ဗ္ွ သှာဍဳင္မန္ဝြံ ဒ္ွကြတ္တဲ အၥာနာဲဟံသာ ဒုင္လဝ္ယဿဳ ေကှဟ္- ၐိုပ္ဍာဲ-တုဲ ခ်ဴလဝ္ဒြက္ဏံမြဲပိုဒ္ ညးတၜရမ်ာင္- လ်းေခတ္-ဒေယ္ွလဝ္အပႜဲကဝး တၛဲဟံသာဝတ႘လီု ေပင္(၂၅၀)သှာံဂ္ွရ။ အေႏွန္အဲညးခ်ဴလိက္ပံက္က လင္ဒဿံင္ဒြက္ဏံဂ္ွ နာဲဥကၠာ(ဥကၠဌ ဂေကာံသဿတ္မန္- တိဍာ္ဗၜးၐး) ဒုင္ကႝုလိက္ကှပ္ကဗ် - ကဗ်လၲဴဂၜံင္တရဵပၜန္ဂတး- (မြဲလၸာ္ဂ္ွသီုဘာသာဗဿာ) မြဲကှပ္ကြတ္အၥာနာဲဟံသာ (ဒုင္ယဿဳၐိုပ္ဍာဲ-ၐိုပ္ထဝ္)ဂ္ွ ဂြံဗ္ွေကတ္တုဲတုပ္သဿဟ္အၥာကဗ်ကီုအပႜဲအဲ ညးခ်ဴလိက္ ဏံ ဓါတ္ကဗ်လုပ္ေဇြာဝ္လုပ္ ပဲႜဟဒယသႏၲာန္ရ။ ဟီုပေရာပရာဒုင္စသိုင္ကဗ်မၢး ကဗ်၊ ဝတၴဳ၊ ပၜဇာတ္တအ္ဂ္ွ ေဍံလုပ္တီှဒဿံင္ ပႜဲဗိြဳင္ဂကူလိက္ပတ္ -ရသ-ဂမိၜဳင္ရ။ စပ္ကႝုပေရင္ဒုင္စသိုင္ကဗ်တုဲ ဇဿာပ္ညးဗ္ွလိက္ ၐိုန္ပံက္အဓိပၸါယ္တှဟ္ျခာႏြံညိည ၿဇိဳင္သာကီု ေလဝ္ ဒဿာႏူသတ္ကဗ် မြဲပိုဒ္ျပံင္လွာဲေထာံ လညာတ္ပ႙ုမိှဟ္ တအ္ဗြဲမဂၜိဳင္မာန္ေရာင္။

မေႀသာံလၸကႝုဒ္ွေစာင္

*မေႀသာံႏြံေကာံဒ္ွငၛဳဟ္မး

 ညးညးအဲအဲသြက္ဂြံဂ်ိဳင္

 ဒးဂိုင္ဒးပေကာံသြက္ေဇြာံမ

 ဘဝေကာံကေလာအ္ႏြံဂုဏ္ဖႝု

*အၾကာသၛဳပုင္သာ္ဗုဗု

 အရံင္ဍာဲဂၜဳမေႀသာံသှဵမၢး

 ညးဟီုေစာင္တုဲကပ္ွကၜဟ္ေထာံ

 မေႀသာံဒ္ွေစာင္ ဘဝေလင္ေဆာံ

 မံင္ေကာံေကာံေဟင္ဒ္ွငၛဳဟ္မး

 ေကာံညးသကအ္ညိ ယြံကေလာမန္။

   ကဗ်ဝြံအၥာခ်ဴလဝ္သှာံ ၂၀၁၀ ဂိတုေဖဖဝ္ဝါရ႘ ေရာင္ ခ်ဴထမံက္လဝ္ အပႜဲလိက္အုပ္ကဗ်ဂ္ွရ။ ကဗ် မေႀသာံလၸဒ္ွေစာင္ဏံ အၥာထၞး ဥပမာကႝု မေၾသာံတအ္ႏြံဒဿံင္ ေကာံေကာံဒ္ွငၛဳဟ္မး အခါစိုပ္ႏွဵအာကႝုသၛဳဗုဗုမၢး ဒ္ွဘဝေစာင္- ဘဝဒးေဆာံအာတုဲ ညးကပ္ွကၜဟ္ေထာံေရာင္။ ၐိုတ္ညးခ်ဴလိက္ ဒုင္စသိုင္ဒး ထမံက္ထၞးမၢး မိှဟ္ႏြံအပႜဲကႝုဂေကာံ ေကုာံ ဟဿဲအပႜဲဂေကာံ ဒဒ္ွရေဍံတှဟ္ျခာ (ၐတ္ကှာတ္ကႝုငၛဳဟ္မးမၢး ငၛဳဟ္မးျဇဟတ္ေကာံ ေကၜာံ)ဏံ ဒဒ္ွရပိဿက္ေဇှာ္ အၥာကဗ်ထံက္ထၞးကႝု သတ္ကဗ်ညးရ။ အၥာကဗ်သိဿက္မိက္ဂြံကႝု ကေလာမန္တအ္ ေကာံသဿဟ္ဒ္ွမြဲကသပ္မြဲဂှန္မာန္ ထၞးဥပမာ ဗိၲဳက္ဖေအာဝ္ဒဿံင္ဂကူမညတအ္ရ။ ဗီုဘဝမေႀသာံဒ္ွအာေစာင္- ဘဝမှး ေဆာံအာဂ္ွ ညးဟြံမိက္ကႝုသဿတ္မန္တအ္ ကတႝုဒ္ွေဟင္ ပိဿက္ဆႏၵအၥာကဗ်ႏြံ ဂြံဒုင္စသိုင္ရ။

အာဇာနဲ

*အာဇာနဲတအ္ဂ္ွ

 ဒ္ွမိှဟ္ႏြံကႝုျဂင္ဟြံေသင္

 ေသၢာံဒ္ွအာဇာနဲ

 မဒးႏြံကႝုမဗ႘ဇဟြံေသင္

*ေသၢာံဒ္ွအာဇာနဲ

 သြက္ဇကုမြဲဓဝ္လၸရံင္

 ညံင္ဂကူဇကုဂြံဗၜးၐး

 တပ္ပ္တးတးမံင္

 ဂံင္သကာသကာေကၜာန္

ေစာန္န္တဿးတဿးလုပ္ေပါဲဗိၲဳက္မၢး

မှးကီုအဲကီု ဒ္ွေရာင္အာဇာနဲ။

    ကဗ်- အာဇာနဲ-  ဏံအၥာခ်ဴလဝ္သှာံ -၂၀၀၉ ဂိတုဒ႘ေျဇန္ဗာေရာင္ ဓမံက္ထၞးလဝ္ အပႜဲလိက္အုပ္ ကဗ်ဂ္ွဂြံတီရ- ကဗ်အာဇာနဲ-ဏံ အၥာတုပ္တဵညံင္ရဵကႝုဒဿံင္ျဇဟတ္ကုသဿတ္မန္ ညံင္စိုတ္ဓါတ္ဂြိဳင္ေယာင္ အာဇာနဲဟီုဂ္ွ ျပဟ္ေစ္ွကၜဳင္ဍဳင္သြဝ္ဟြံေသင္ ဗြဲေတဿင္ႏြံအပႜဲသဿတ္တအ္ ႏြံအပႜဲညးေကၜာန္သြက္ဂကူတအ္၊ ဆက္တုဲညးဗိၲဳက္ဖ ေအာဝ္ဒဿံင္ -သြက္ဇကုမြဲဓဝ္လၸရံင္- ညံင္ဂကူဇကုဂြံဗၜးၐး-  တပ္ပ္တးတးမံင္- ဂံင္င္သၠာ သၠာေကၜာန္၊ လၲဴဏံဂ္ွ ဒ္ွအာဇာေဟင္ အာဇာနဲဂ္ွ နကႝုဘာသာအဂၤလိက္မၢး Marty မဒ္ွရတုဲ ၾတဳံအာ ဇာနဲ၊ ၿဗဵအာဇာနဲ၊ ေခ်ံအာဇာနဲႏြံတဵ ရ။

ေစာန္န္တဿးတဿးလုပ္ေပါဲဗတိုက္မၢး မှးကီုအဲကီုဒ္ွေရာင္အာဇာနဲ

  နကႝုသတ္ကဗ်ဝြံ အၥာကဗ်ကေသအ္ကဿဝ္ဒဿံင္ ကုသဿတ္မန္ပ႙ုတၛဲဏံရ၊ ဗီုပ႙ုေကင္မိင္ဒဿံင္ဒြက္- လေပွာ္တဲညးညးဒုင္ ေသၜက္ကၜာဲေစၜာံလိက္မန္ ဂြိင္ေဖက္လိက္မန္ေကၜံအာ က်ာ္ေဇှာ္အၥာတၜအေစြာံ အာဇာနဲ ပ႙ုတအ္ခ်ပ္ဗၥာကႝုဒး လိက္ေကၜံဂကူေကၜံေရာင္ ယြံေကာန္မန္ဟံသာ အၥာခ်ဴဒြက္- ေကာန္ဆာန္မန္- ခ်ဴလဝ္တုဲ ညးတၜရမ်ာင္ မန္ဆာန္ ဒေယ္ွလဝ္ဒြက္ဏံရဆက္စပ္ဒးကႝု ပ႐ူအာဇာနဲတုဲ မၵးပိၲဳန္ထၞးဏါကီုရ၊ အၥာကဗ် ၐိုပ္ထဝ္၊ ၐိုပ္ဍာဲ ေကာ္ အၥာနာဲဟံသာဝြံ အလုံဘဝညးပၟပ္ဇိုန္ဏွင္လဝ္ကႝု ပၜန္ဂတးမန္၊ သြက္ဗၜးၐးဂကူ အပႜဲေဗာ္ဍဳင္မန္တိဿရ။ ဆက္စပ္ဒး ဝင္ပူဂႝုဗြဲခှန္ဂ္ွေလဝ္ မိက္ဂြံဓမံက္ထၞးရ။ နာဲဟံသာဝြံ ဒ္ွညးအုပ္ကာနာနာ ေဗာ္ဍဳင္မန္တိဿ အခိင္လဿဳဟ္တုဲျဟကတ္ တဵ ပႜဲအရာခ်ဴလိက္ပေရင္ လေဝင္ဇာတ္ ဝတၴဳ၊ ကဗ်၊ နကႝုဘာသာမန္၊ ဗဿာရ၊ ပႜဲသကၠရာဇ္ခေရတ္ ၁၉၄၈၊ ဂိတုဇန္နဝါရ႘ဂ္ွ သၜးပဋိသႏိၶႏူမိမၐါ နာဲဗမ္+မိဇ႘ ပႜဲကြာန္ဇိုင္က်ာ္ ပိြဳင္ဍဳင္ပံင္ တႝြဳရးဍဳင္မန္ရ။ ေကာေဒံႏြံ (၆)တၜတုဲ ညးဝြံဒ္ွေကာန္ေလဿင္ ၄ ရ။ ေစ္ွဒှာဲထပ္တဲကႝု မိညဳင္ ကြာန္လွာၐိုပ္(နံင္ေျဗအ္)ခ႐ုိင္ဍဳင္မတ္မလီုတုဲ ကလိဂြံေကာန္ဇာတ္(၅)တၜ ေကာန္ၾတဳံ(၃)တၜ ေကာန္ၿဗဵ (၂)တၜရ။

     ႏူေဍာတ္တ္ကတ္လၛတ္ပညာ ဘာတန္မူလ၊ တန္ေလၵာဝ္ ကြာန္ဇိုင္က်ာ္တုဲ ဆက္ကတ္လၛတ္အာပညာ ပႜဲဘာတန္သၜဳင္ရ၊ နူဂ္ွမြဲအဆက္ ပညာတႝုလ႘ြပၜန္ရ၊ ညးဝြံတိတ္ကၜဳင္ပၜန္ဂတး ပႜဲသှာံ ၁၉၆၈ တုဲဆက္ယိုက္ေဂၜင္အာတာလ်ိဳင္ ပႜဲေဗာ္ဍဳင္မန္တိဿ နဒဒ္ွ ညးအုပ္ကာပိြဳင္ ဍဳင္၊ ဥကၠဌ ပိြဳင္ဍဳင္ေလဿင္င္ရ။ ပႜဲသှာံ ၁၉၇၁ ဂ္ွေကတ္တာလ်ိဳင္ ဗလးရမ်ာင္ဘာသာမန္ ပႜဲ(ဒပ္ပံင္ေကာံ ပေရင္ည႘သဿဟ္ ေကုာံ သၜးပြးဂကူေကာန္ဍဳင္အရင္) တိုင္းရင္းသားလူမ်ိဳးေပါင္စုံညီညြတ္ေရးႏွင္႕ လြတ္ေျမာက္ေရး တပ္ေပါင္းစု (တ-ည-လ)ရ။ ပႜဲသှာံ ၁၉၇၂ ဂ္ွအခိင္မယိုက္ေဂၜင္ဒဿံင္တာလ်ိဳင္ မြဲကေရာံမြဲစြံ ကုဥကၠဌ နာဲယ႙ွဳေက်န္ ဂ္ွဂြံအေခါင္တီညာတ္ဍဳက္ေကဝ္ေကၜာံဍကၜဳင္ ကုကိႜဳပ္သိၠဳပ္ဂေကာံမဟာမိတ္ဂမိၜဳင္ ႏူဂ္ွမြဲကၧံင္ဆက္ ယိုက္ေဂၜင္ကၜဳင္ တာလ်ိဳင္ ဖက္ေဆာညးအုပ္ကာခ႐ုိင္၊ ညးအုပ္ကာခ႐ုိင္ပၜန္ရ။ ဟိုတ္ႏူေ ကတ္ကၜဳင္တာလ်ိဳင္ သြာင္ဆက္ေဆာံ မဟာမိတ္ဂၜိဳင္တုဲ၊ စႏူ ၁၉၈၂ စႝုစိုပ္ ၁၉၈၇ ဒးေရင္တၜဳင္ဆက္ေကတ္တာလ်ိဳင္ ညးအုပ္ကာနာနာ (ဒပ္ပံင္ေကာံ ဒ႘မဝ္ကေရၿဇ႘ေကာန္ဂကူ N.D.F) ဒက္ပၲန္လဝ္နကႝုဂေကာံရပ္လြဟ္ ဂကူေကာန္ဍဳင္အရင္ရ။ ႏူဂ္ွမြဲကၧံင္ စႏူသှာံ ၁၉၈၉ ဂ္ွေကတ္တာလ်ိဳင္ ဖက္ေဆာညးအုပ္ကာနာနာ (ဂေကာံမဟာမိတ္ဒ႘မႝုကေရတ္ေတတ္ ကိဿန္ဍဳင္ဗဿာ- D.A.B) ဒက္ပၲန္လဝ္နကႝုဂအုံျဇဟတ္ဂကူ ေကာန္ ဍဳင္အရင္ ေကုာံ ျဇဟတ္ဂအုံခ်႘ဓရာင္ ဒ႘မႝုကေရၿဇ႘ ပိြဳင္မြဲသှာံတုဲ၊ ႏုက္တိတ္ႏူ တာလ်ိဳင္ရ၊ ၐိုန္ဂ္ွေလဝ္ စႏူသှာံ ၁၉၉၃ စႝုကႝုစိုပ္ ၁၉၉၅ ကၜာေဗာ္ဍဳင္မန္တိဿ ဟြံဂြံတင္တုပ္စိုတ္ ေဒါံပန္ေပွာ္ကႝု အလႝုသ႘ပှာန္ (နဝတ)ဏီဂ္ွ ညးေကင္ေကတ္ကၜဳင္တာလ်ိဳင္ နဒဒ္ွညးအုပ္ကာ D.A.B)ပၜန္ရ။ ပဲႜသှာံ ၁၉၈၆ ညးေကတ္တာလ်ိဳင္ ကမၼတ႘ေရင္တၜဳင္ေကင္ကာဗဟႝု ေဗာ္ဍဳင္မန္တိဿရ။ စႏူသှာံ ၁၉၈၉ စႝုကႝုစိုပ္ ၂၀၀၃ ဂ္ွေကတ္တာလ်ိဳင္ ဖက္ေဆာညးအုပ္ကာနာနာတုဲ စႏူသှာံ ၂၀၀၃ စႝုကႝုလဿဳဟ္ ယိုက္ေဂၜင္ဒဿံင္တာလ်ိဳင္ နဒဒ္ွ ညးအုပ္ကာနာနာ ပႜဲေဗာ္ဍဳင္မန္တိဿရ။

   မြဲအဆက္ဓဝ္ အခိင္ေကတ္မံင္တာလ်ိဳင္ပႜဲ ေဗာ္ဍဳင္မန္တိဿဂ္ွ ပံင္ေတာဲေကတ္တာလ်ိဳင္ ဥကၠဌ ပႜဲဂေကာံည႘သဿဟ္ ဂကူမန္ M.U.L စႏူသှာံ ၁၉၉၆ စႝုစိုပ္သှာံ ၁၉၉၈ ရ။ စပၲံႏူ သှာံ ၂၀၀၂ စႝုကႝုလဿဳဟ္ ေကတ္တာလ်ိဳင္ ညးအာကိႜဳပ္- ဂေကာံခ်ဴေသှာဝ္ဥပေဒသိၨဳင္ဍဳင္မန္(မူဂမ်ိဳင္)ပၜန္ရ။ စပ္ကုႝပေရင္ဆာန္ဂကူတုဲ အၥာနာဲဟံသာ ခ်ဴဇန္လဝ္ နကႝုယဿဳ ကဗ် ဆာန္ဂကူနဲနာနာဂ္ွပၚပရအ္ဏါရ။

ဆာန္ဂကူနဲနာနာ

*ညးလႝၛဳဗၵစိင္တုဲဂၜာဲကတ္ၐဵ

 သြက္ဂြံပတုဲဖႝုကုဂကူေရာင္ဂး။

*ညးလႝၛဳ ပေတ္ွေစာံတုဲဍိဳက္ကၜ

 အၾကာဗိြဳင္သှဂ္ွဂၜာဲအဝႝု

 သြက္ဂြံလဟႝုပိၲဳန္ဂကူေရာင္ဂး။

*ညးလႝၛဳ မံင္အခိုက္ၿဇဳံဗုဲ

 ဟြံထုဲထံင္အၾကာညး

 ဒးဂကူမၢး ညိဟြံဒုင္ၐံက္ေရာင္ဂး။

*ညးလႝၛဳ ေကတ္အခိုက္ငၛဵတမ္သှာံ

 ပယ်ာံၿဗဲ ကၜဳင္ပိၲတ္ရမ်ာင္

 ကညာင္အာတ္အေခါင္သြက္ဂကူေရာင္ဂး။

*ယြံရဲတအ္

 ညးဗၵစိင္ဂကူလၸကႝုဒ္ွဍိက္စိင္ဍာ္ဇမိၜင္ညိ။

 ညးဍိဳက္ကၜလၸကႝုစိုပ္အာပႜဲဗုင္ကၜညိ

 ညးမံင္အခိုက္ၿဇဳံဗုဲ လၸကႝုကေဝင္ထုဲမံင္ပႜဲကသိုင္သဿးညိ။

 ညးေကတ္အခိုက္ငၛဵ ကညာင္တုဲဒဵေကၜံလၸကႝုဒ္ွညိ။

  ကဗ်ဏံ ညးခ်ဴလဝ္သှာံ ၂၀၁၀ ဂိတုေဖဖဝ္ဝါရ႘ေရာင္၊ ဓမံက္ထၞးလဝ္ အပႜဲလိက္အုပ္ ကဗ်- ကဗ်လၲဴဂၜံင္တရဵပၜန္ဂ တး ဂ္ွရ။ သြက္ရဲဆာန္ဂကူ ပစၥဳပၸန္တအ္ ေထက္ဒးသ႘ၛဂၜိပ္ဇကုဇကု ဆာန္မံင္ဂကူ နဲလႝုဂ္ွ ဇကုဇကု ဒးေကႅင္သဿာန္ ေရာင္ တုပ္နဲအၥာကဗ် ကႝုဒဿံင္သတိရ။

လက္ကရဵအိုတ္ လိက္ပေရင္ဏံ႐ုပ္ေကၜံနိဂီုကႝုကဗ်-

ခ်ိဳတ္ညံင္ဂြံဂ်ိဳင္္

*ကႝၲဳဒ္ွမိှဟ္ဂ္ွဒ္ွသိၨဳင္သြက္ခ်ိဳတ္

 စိုတ္ေဖက္လၸစြံ ပါဲေထာံဟြံဗၜး

 ညးအဲေသင္ဟာ

 *ဂၜာဲျဒပ္သြက္ေကာန္ ေဗၲာန္ကြတ္သြက္ဇကု

 ဖႝုညးဂမိၜဳင္ဟြံဒ္ွ ညးမြဲဟြံဗ္ွသှာ

 အခါနာဲခ်ိဳတ္အာ ကဠာမြဲေဟင္နာဲဂြံမာန္

*ဘဝမိှဟ္ဂ္ွဒ္ွဝါတ္ေကြံကၜာ

 နာဲခ်ိဳတ္အာေလဝ္ ဒဿာႏူနာဲေကၜာန္

 သြက္ဍဳင္သြက္ဂကူညံင္ဂြံစိုပ္တရဵေဟင္

 ဗြဲေတဿင္ဝင္နာဲဂ်ိဳင္တဵေရာင္။

  ကဗ်ဝြံ အၥာကဗ်ခ်ဴလဝ္သှာံ ၁၉၈၁ ေတံဒ္ွရ၊ ကဗ်ဏံဂေကာံလ်းဟံသာ သၸလဝ္ဒြက္ေရာင္၊ ဓမံက္ထၞးလဝ္ အပႜဲလိက္အုပ္ဂ္ွရ၊ သေရာပ္ေထာံမၢး စပ္ပေရင္ဒုင္စသိုင္ကဗ်တုဲ ကဗ်အၥာလႝၛဳပံက္အဓိပၸါယ္ဒုင္စသိုင္ဆက္စပ္ ဏါပေရင္တှဟ္ဟ္ေလဝ္ႏြံ၊ ကဗ်လႝၛဳအၥာကဗ်ခ်ဴဇန္လဝ္ ကၜးဖႜးေလာန္ေယ်(ကဗ် မဝ္ဒါန္ဟြံေသင္) ဒ္ွရ။ နကႝုအဲ ညးခ်ဴလိက္ ဟြံပံက္လဝ္ပေရင္ဒုင္စသိုင္ေလဝ္ႏြံကီုရ။

ဗီုလႝုဒ္ွဒ္ွ အတိုင္ဂလာန္ အၥာကဗ်ခ်ဴလဝ္အပႜဲလိက္အုပ္ညး နိဒါန္ေတံ "လညာတ္ေတဿင္သမီၲေတဿင္ ဂြံႏူဂၜံင္တရဵဍာ္ဇမိၜင္ဂ္ွ နကႝုအဲအာဲကဿာဲပၜန္ဂတး မိက္ဂြံထၞးကႝုလဝ္ သဿတ္အဆက္က္တုဲ ၐိုတ္ဂၜာဲပေကာံဂြံ ကေလင္တက္ပိၲတ္ ေကၜာန္လဝ္လိက္အုပ္ေဍာတ္ဏံေရာင္၊ ပေရင္အတိက္ဂ္ွ ကေလင္ရံင္ ပံင္ဗၥပ္ကႝု ညာဏ္ပညာတုဲ သဿာပၜန္ဂတးေကက္သၠာ ျဟကတ္တအ္ကႝုမံက္တိုန္ဂၜိဳင္ညိ"

ရဵသာ္ဝြံ ဆႏၵအၥာဍာံဍာံဒ္ွတုဲ အဲညးခ်ဴလိက္ေလဝ္ႏူကႝုဒးဒုင္စသိုင္ စပ္ကႝု ကဗ်လၲဴဂၜံင္တရဵပၜန္ဂတးဏံမြဲကၧံင္ မၵးပၚပရအ္ဏါကု ညးမဗ္ွလိက္တအ္ရ။

                                                  ရာမညအီဆာဲ

                                              ေခတၲ ဍဳင္ေဇှာ္ကြာလာလာမ္ပူ ဍဳင္မေလဝ္ယွာ

တင္ဒုင္ဝန္- ဝင္ပူဂႝုအၥာနာဲဟံသာဗြဲခှန္ဂ္ွ ကံက္ႏုက္ႏူလိက္ကှပ္(ဝင္ကိႜဳပ္သိၠဳပ္ မတဝ္ေစှဟ္ကၜဳင္သြက္ဗၜးၐး ဂကူမန္ဂမိၜဳင္) ပိၲတ္ႏူသှာံ ၂၀၀၇ မဒ္ွရ။