ကိႜဳပ္သိၠဳပ္ဂမိၜဳင္ ညံင္ဟြံဂြံသၸလဝ္မဇၨ်္ ကုသဿတ္တံ (ဝါ) ေခတ္တၛဲဏံသဿတ္တအ္ေလဝ္ သာသၸအ္ဟြံေထက္ရပုဟ္ နာဲရတ္ပံင္ဟီု

ပံက္ရံင္အာ ဝင္ပၜန္ဂတးမန္တုဲကၜဳင္ေတံမၢး ကိႜဳပ္သိၠဳပ္ပ႙ုတံဗြဲမဂၜိဳင္ ဘဝညး ဂၜံင္တရဵညး ပႜဲေခတ္ညးတံ ညးတံခ်ဴထၞးလဝ္တုဲရ။ ရံင္အာလိုက္တၛဲဏံတုဲ ဒးသၸအစာံမၢး ဂကူေဇှာ္ေမာဝ္ ဍဳင္ေဇှာ္ေမာဝ္ဗြဲမဂၜိဳင္ ၐတ္ကှာတ္မံင္ကႝု ကြပ္မိှဟ္သဿတ္ညးတံ မှဳံကႝု ကြတ္၊ ပညာ၊ နဲကဲဂတာပ္ေခတ္ဂၜိဳင္ေဟင္တုဲ ပႜဲအရာပေရင္ေကာပ္ကာဲေလဝ္ ျပဳေျပင္ေဖ်ံကႝုဒှာဲဒးဂ္ွရ ပေရင္ကေမၜာန္ညးတံေဇှာ္ေမာဝ္။ ဟိုတ္ဂ္ွရ ကိႜဳပ္သိၠဳပ္တံဂမိၜဳင္ လၲဴကေမၜာန္ခ်႘ဓရာင္ဂကူဂ္ွ ညံင္ဟြံဂြံသၸလဝ္မဇၨဳ္ ကုသဿတ္တံ (ဝါ) သ႘ၛဂၜိပ္အာေခတ္တၛဲဏံမၢး သဿတ္ပ႙ုတအ္ေလဝ္ သာသၸအ္မံင္ဟြံေထက္ရပုဟ္ ဒးဍံင္ဗက္ပေရင္လွာဲ (ဟြံေသင္)ေပၠာံေပၠဝ္လဝ္ကြတ္ပညာ ဂတာပ္ေခတ္တံကီုေရာင္။ ရဵဝြံ ဥကၠဌကမၼတ႘ေကၜာန္ဗဒ္ွ တၛဲသဿတ္မန္-အလန္တတိယ နာဲရတ္ပံင္ ဟီုဂလာန္ပံက္ ဏါနိဒါန္ ပႜဲအခန္ကှာတၛဲသဿတ္မန္ အလန္တတိယရ။

အေသဟာန္တၛဲသဿတ္မန္ အလန္တတိယဝြံ  ပႜဲစဿတ္တၛဲ ၂၈ ဂိတုဒ႘ေျဇမ္ဗါ သှာံ ၂၀၁၄ဂ္ွ ေကၜာန္သၸဏါ လၲဴဍဳင္ေဇှာ္ကြာလာလာမ္ပူ ဍဳင္မေလဝ္ယွာ ဒှာဲ ဘာမန္ K.L(ဘာလက်ာ္မန္)မှဳံအရာပ္ပူတူတုဲ သဿတ္မန္ ေကုာံ ညးမဆာန္ဂကူမန္ မှဳံလၲဴဍဳင္မေလဝ္ယွာဂမိၜဳင္ လိဿဟ္(၈၀)တၜျပင္င္ တိုန္စိုပ္လဝ္ေရာင္ ႏူကမၼတ႘ေကၜာန္ဗဒ္ွ မြဲတၜ ဟီုလဵထၞးရ။

    “ပႜဲကႝု တၛဲသဿတ္အလုံဂၜးကဝ္ သှာံ ၂၀၁၄ မေကၜာန္သၸ ဒှာဲဌာန္ဂအုပ္ကုလသမဂၢဂ္ွ သဿတ္တအ္ လေလာင္ၾတးပိၲတ္ လဝ္ ပႜဲက႑ရမ်ာင္ကေရဲညးတံ “အၾကာသဿတ္ကႝုယဲစိုတ္ဓါတ္” မူဟိုတ္ေရာဟီုေတ္ွ သဿတ္ဂမိၜဳင္ ဟိုတ္ႏူဒးေကၜာန္ ကေမၜာန္ဂၜိဳင္၊ ဆိုအ္ဗမံင္ကႝုပေရင္ကေမၜာန္ဂၜိဳင္တုဲ စိုတ္ဓါတ္ေစ္ွဂၜိဳင္ဂ္ွရ ထၼံက္ထၞးလဝ္ ပႜဲရမ်ာင္ ကေရဲညးတံ” သာ္ဝြံ စှးသဘာပတိ ဥကၠဌ ဂေကာံဟံင္ျဟ္မန္ နာဲသာင္ဝဏၰ ဟီုဂလာန္ကႝုဏါဓဝ္သတိ ကု ကိႜဳပ္သိၠဳပ္ဂမိၜဳင္ရ။

  ညးအုပ္ကာ ကမၼတ႘ေကၜာန္ဗဒ္ွတၛဲသဿတ္မန္ အလန္တတိယ နာဲဆာန္ဠာန္ ဒုင္စ႘ေရင္ ဟိုတ္ဂြံေကၜာန္ဗဒ္ွ တၛဲသဿတ္မန္ ေကုာံ ေလဿင္ကေမၜာန္တၛဲသဿတ္မန္ အလန္တတိယတုဲ စှးသင္မြဲဇကု တၜဂုဏ္အၥာ ဝိဓူရ(မှဳံပိုန္ ဘာမန္KL)ဟီုေျမာ္ဂလာန္ စှးညးျဗဵမန္ မှဳံဍဳင္မေလဝ္ယွာ မိသဇင္မန္ ဟီုဂလာန္တုဲ နဒဒ္ွစှးဂေကာံ ကြာန္နာနာ ဥကၠဌ ဂေကာံမိင္ရမ်ာင္လ႐ုိအ္ ကြာန္ဇိုင္က်ာ္ နာဲၐိုပ္မန္၊ ဥကၠဌဂေကာံကြာန္ဏံင္စံက္ နာဲရမ်ာင္မန္ ဟီုဂလာန္ၾသဝါဒတုဲ စှးဂေကာံသဿတ္မန္ တိဍာ္ဗၜးၐး ဒုဥကၠဌ နာဲရာမညအီဆာဲ လဵထၞးဗီုျပင္မေကၜာန္သၸ တၛဲသဿတ္မန္ လၲဴဍဳင္မေလဝ္ယွာ တုဲကၜဳင္ေတံတုဲ မိလ်းမန္ ဗ္ွထၞးလိက္လေလာင္ၾတး ဌာန္ေကာံသဿတ္မန္ ႏူဍဳင္မန္ပိၲတ္လဝ္ သြက္တၛဲသဿတ္ အလန္တတိယ၊ မာံရာဇာမန္ ဗ္ွထၞးလိက္လေလာင္ၾတး ဂေကာံသဿတ္မန္-တိဍာ္ဗၜးၐးတုဲ မာံဂံင္ဇနဲ ေရင္တၜဳင္ဏါ နဒဒ္ွလ်ိဳင္အေသဟာန္ရ။ ပႜဲအခိင္ ၁၂ နာဍ႘ဂ္ွ ပံက္အေသဟာန္တုဲ စိုပ္အခိင္ ၂ နာဍ႘ ၃၀ မိေဏတ္ဂ္ွ ႐ုပ္ေကၜံဏါအေသဟာန္ နကႝုဒြက္ေကာန္ဂကူေရာင္ ကမၼတ႘ေကၜာန္ဗဒ္ွမြဲတၜ နာဲသူရ ဆက္လဵထၞးရ။

  တၛဲသဿတ္မန္မေကၜာန္သၸ လၲဴဍဳင္မေလဝ္ယွာဝြံ အတိုင္သှာံတုဲကၜဳင္ေတံ မရႏုက္ကႝု(၂)ဝါဂ္ွ သဿတ္တံစိုတ္ထတ္ မံင္ လၸာ္ဂြံေဇှာ္သၜဲပိၲဳန္ တၛဲသဿတ္မန္ ညံင္ရဵကၧံင္တၛဲေကာန္ဂကူမန္မာန္၊ လိဿဟ္မိှဟ္တိုန္စိုပ္ဂၜိဳင္င္မာန္ကီုေလဝ္ သှာံပထမ ဂ္ွ ဟိုတ္ႏူခက္ခုဲကႝုၾသန္ဘ႑ာမြဲသာ္၊ မြဲသာ္ပၜန္ဂ္ွ ဟိုတ္ႏူဒ္ွသှာံကိုပ္ကၜာအိုတ္တုဲ လိဿဟ္မိှဟ္တီေအာန္ဂ္ွရ ဒး ေကၜာန္ဗဒ္ွဏါလၲဴ႐ုင္ဟံင္ျဟ္မန္ရ။ သှာံဒုတိယဂ္ွ တိတ္မၛး ေကၜာန္ဗဒ္ွဏါပႜဲ Chinese Assembly Hall (ထပ္လၲဴ) မာန္ကီုေလဝ္ ပႜဲသှာံတတိယဏံ ဟိုတ္ႏူအခက္ခုဲကေမၜာန္နာနာတုဲ ဂြံအၡိင္ခ်႘ဓရာင္ေအာန္ကီု ဂြံတိတ္မၛးလိင္ေဢာံ ခန္ Chinese Assembly Hall ဂ္ွ ဟိုတ္ႏူေဍံပေလဝ္ပေလတ္မံင္ ဟြံတုဲဒ္ွဏီဂ္ွရ ဒးေဖ်ံေထာံသၢဳတ္သြာတ္ ေကၜာန္ဗဒ္ွပႜဲဘာမန္ K.L ေရာင္ ဂြံတီေကတ္ရ။

                                                                                   မိအံင္လ်းဆာဲ