ေဗာ္ၐါဂြံပံင္ မုခက္ဒဿံင္ေရာ

 အကာဲရာပစၥဳပၸဳန္ဏံ ပေရင္ပရူမံက္ကတဝ္ ပၚပဝ္ဒဿံင္ပႜဲပြ႘ဗြိဳင္ေကာန္ဂကူမန္ပု႙မြဲဂွ္ ေဗာ္ၐါဆလအ္ဂြံပံင္ေရာ၊ ဗုီလုႝဂြံပံင္ေရာ၊ ပံင္ဟာ ဟြံပံင္ဟာ၊ မပၲံသာ္ဏံ တင္သဿာန္တံ လညာတ္ပၚပါဲတံရမ်ာင္တိတ္ဒဿံင္ နာဲနာဲသာ္ရ။

စပၲံနူခမ႘သင္ဂမၜိဳင္၊ ဂေကာံလိက္ပတ္ေယန္သှာင္၊ ဂေကာံဂ႘တ၊ ဂေကာံေပါဲဇာတ္၊ ဂေကာံသဿတ္၊ သဿာပေရင္ ပိုန္ျဒပ္၊ သဿာပေရင္ဍဳင္ကြာန္ဂမၜိဳင္တံသဿးဟြံကး စုႝကုႝကၧံင္ညးဍဳင္ကြာန္ဂမၜိဳင္တံဒွ္ေကှာတ္၊ စပ္ကုႝပေရင္ေဗာ္ၐါဏံ ဗုီညးတံညာတ္ ဗုီညးတံကၜိဳဟ္ဟုီဂးပၚပါဲဒဿံင္ ဂြံဆုႝဂြံမိင္ေကတ္ဒှာဲဗြဲမဂၜိဳင္ရ။

          လိက္ပေရင္ဝြံ ပၚပါဲထံက္ထၞးအာတင္ဍိန္လ်၊ တင္ေဗၜတ္မွာလၲဴေဗာ္ၐါဂွ္ ဟြံေသင္ေရာင္တုဲ လညာတ္ ေကုာံ ပေရင္ပရူသုီေဗာ္ၐါလၸာ္ မတတ္ထပိုက္ကၜဳင္လဝ္တံဂွ္ ပေကာံပေကဝ္ပၲိန္ထၞးအာေရာင္၊ စပ္ကုႝပေရင္ ဍဳင္ကြာန္ ပေရင္ဂကူတုဲ ပႜဲအရာထၼံက္ရုပ္ရဵဂွ္ ဟြံေဖက္ယံင္မြဲသာ္ ဗုီကႜိဳပ္သၠိဳပ္တံ ေဖ်ံကၜဳင္သၢဳတ္သြာတ္ပိုတ္တ္ သၠဳတ္သၠဳတ္ဂွ္ ခုႝဂြံေပၲာံဗက္၊ ေကတ္အာခန္လၛတ္မာန္ညိဂွ္ေလဝ္ ဗြဲကုိပ္ကၜာမၵးဗၲိဳက္ဖေအာဝ္ဏာရ။

          စပ္ကုႝေဗာ္ၐါမုခက္ဒဿံင္ေရာဏံတုဲ ဂြံအေခါင္သဿာန္သြဟ္လဝ္ ကုညးကႜိဳက္ပ္ခ်႘ဒေရာင္ သြက္ေဗာ္ၐါဂြံပံင္ က်ာ္ေဇှာ္အၥာ ေခမာနႏၵ မှံဳပုိန္ဘာ နႏၵစန္တုိက္လိက္ပရိယတၲိမန္၊ ဒု- ဥကၠဌ (၁) ေဗာ္ဒ႘မဝ္ကဝရျဇ႘မန္ နာဲေတန္အံင္ ေကုာံ ဒု- ဥကၠဌ ေဗာ္ဒ႘မဝ္ကေရျဇ႘ အလံုရးမန္ နာဲလွအံင္တံရ။ ဒုင္သၨိဳင္ကုႝပေရင္သဿာန္သြဟ္ (ေအန္တာဗ်ဴ) ညးတံဏံတုဲ ကုႝဂြံပၲိဳန္ထၞး၊ သၸအာစဿတ္သမၲီ နကုႝလိက္ပေရင္ဏံညိ၊

မူလျပသှာ (အစျပသှာ)

သၸစှးကုႝဂကူမန္တုဲ လုပ္ျပိဳင္ရုဲမာဲဟာ၊ ဟြံလုပ္ျပိဳင္ဟာဂွ္ သြက္ေသၠံေဖ်ံသၢဳတ္သြာတ္မာန္ရန္တုဲ ပံက္ပၲိန္ပၲိဳန္ ကမၼတ႘ (၁၅)တၜ ပႜဲေကှာတ္ဂိတုေဂ်ာန္ သှာံ ၂၀၀၉ ရ။ ပႜဲကမၼတ႘ဂြံ နဒဒွ္နယကဂွ္ ခမ႘သင္ဂမၜိဳင္ပါလုပ္တုဲ ပႜဲဂေကာံကမၼတ႘ဂွ္ ညးမဒွ္သဿာပေရင္ဍဳင္ကြာန္ဝွ္ၾကံင္ဂမၜိဳင္ နာဲေထာန္တုင္၊ နာဲငၛ႙ဳတုင္၊ ညးဇူဒမ္နူေဗာ္ဍဳင္မန္တဿိ ဂမၜိဳင္ နာဲေတင္အံင္၊ သၠဳိပ္ဗုိလ္ေဇှာ္လြ႘အံင္ (ျမင့္ေဆြ)၊ ဒံက္တာဗညာအံည္မုႝ၊ နူေဗာ္ဒဒုင္ရုပ္သီ ေဗာ္ဒ႘မဝ္ကဝရျဇ႘ ေကာန္ဂကူမန္ဂမၜိဳင္ ဒံက္တာေမန္သုႝေလန္၊ ဒံက္တာေမန္က်႘ေဝန္၊ ေကုာံ သှာဲဒါ (ညးယိုက္ဝန္) စေဖန္ေျဇန္ နာဲငၛ႙ဳတုင္၊ ဒံက္တာေမန္နဲသုႝတံ အဓိကပါလုပ္ခ်႘ဒေရာင္ကၜဳင္အိုတ္ရ။

          ကမၼတ႘ဝြံ ေကၜာန္သၸကၜဳင္ေကာံဓရုီေလဿင္ဍာံ ေလဿင္င္ဂိတုတုဲ သၛ႘ဂၜိပ္ကၜဳင္စပ္ကုႝ နဲကဲဥပေဒရုဲမာဲ၊ ေသှာဝ္သၨိဳင္ဒကပၲိဳန္ (၂၀၀၈) ေကုာံ ခါတ္အကာဲကၜဳင္ တၜဳင္ကအာ  အကာဲအရာပေရင္ဍဳင္ကြာန္နာနာရ၊ ပႜဲစဿတ္တၛဲ(၃၁) ဂိတု မာတ္ သှာံ (၂၀၁၀)ဂွ္ ရုပ္ပလုီေထာံကမၼတ႘ဝြံတုဲ ဂေကာံပံက္ေဗာ္လုပ္ဒုင္ရုဲမာဲ (၂၀၁၀)ကုႝ ဂေကာံပံက္ေဗာ္ဟြံလုပ္ဒုင္ရုဲမာဲသာ္ဝြံ ကၲဳႝဒဟ္ကၜဳင္ၐါဂေကာံရ၊ နိဒါန္ျပသှာ စနူဏံေရာင္မိက္ဂြံဟုီရ။

ေဗာ္ဒ႘မဝ္ကေရျဇ႘အလုံရးမန္ (AMDP)

ပႜဲပါဲရုဲမာဲ သှာံ (၂၀၁၀)ဂွ္ သြက္ဂြံသၸစှးကုႝဂကူမန္မာန္ရန္တုဲ ပႜဲစဿတ္တၛဲ (၇) ဂိတု ဨပရဵ သှာံ(၂၀၁၀)ဂွ္ ပံက္ပၲန္ကၜဳင္ေဗာ္ဒိမဝ္ကေရျဇ႘အလံုရးမန္ ဂြံအေခါင္ဒတဵလိုင္ဗြဲမလုပ္ေသှာဝ္ရ၊ ပႜဲေပါဲရုဲမာဲ (၂၀၁၀)ဂွ္ နကုႝညးစှးအမာတ္ (၃၄)ဒှာဲ လုပ္ျပိဳင္ရဲုမာဲ ပႜဲတြႝဳရးဍဳင္မန္၊ တြႝဳရးဍဳင္ကေရင္၊ တြႝဳရးတှင္ၾသ႘တုဲ ဇှးကၜဳင္ (၁၆)ဒှာဲရ၊ စၜတ္ထဝ္ (လႊေတာ္ပါလီမာန္) ညးဍဳင္ကြာန္(၃)တၜ စၜတ္ထဝ္ေကာန္ဂကူ(၄)တၜ ေကုာံ စၜတ္ထဝ္ တြႝဳရး(၉)တၜ သာ္ဝြံ ဂြံကၜဳင္ဒှာဲ အမာတ္စၜတ္ထဝ္အိုတ္ရ၊ နဒဒွ္ဂေကာံဝန္ေဇှာ္ အလုႝသ႘တြႝဳရးဍဳင္မန္ဂွ္ ဒံက္တာေမန္နဲသုႝ (ဝန္ေဇှာ္႒ာနကိုန္စ႘ဇန္ကုႝပေရင္ပိုန္ျဒပ္) နာဲလြ႘အံင္ (ဝန္ေဇှာ္ ႒ာနျဇဟတ္ဓါတ္လလ႘) ဝန္ေဇှာ္ပေရင္ဂကူမန္ နာဲေခ်တ္ဥဳ ေကုာံ နဒဒွ္အလုႝသ႘တြႝဳရးကေရင္ဂွ္ ေမန္သုႝတုင္ (ဝန္ေဇှာ္ ႒ာနကိုန္စ႘ဇန္ကုႝပေရင္ပိုန္ျဒပ္)တံ ဂြံကၜဳင္ဒှာဲ ဝန္ေဇှာ္တြႝဳရးဂမၜိဳင္အိုတ္ရ။

ေဗာ္ဒ႘မဝ္ကေရျဇ႘မန္ (MDP)

ေဗာ္ဒ႘မဝ္ကေရျဇ႘ေခာန္ဂကူမန္ဝြံ ဒွ္မဟာမိတ္ကုႝ ေဗာ္(NLD)တုဲ သုီပါလုပ္ပႜဲ (UNA)႐၊ ေဗာ္ဝြံပႜဲေပါဲရုဲမာဲ (၁၉၉၀)ဂွ္ လုပ္ျပိဳင္ရုဲမာဲ(၁၉)ဒှာဲတုဲ ဇှးကၜဳင္ (၅)ဒှာဲႏြံရ၊ ဗြဲၾကဵ ပႜဲစမတ္တၛဲ (၁၉) ဂိတု မာတ္ သှာံ(၁၉၉၂)ဂွ္ ဒဒုင္ရုပ္သီ နဒဒွ္ေဗာ္ဟြံလုပ္ေသှာဝ္တုဲ ကႜိဳပ္သၠိဳပ္ေဗာ္ဂမၜိဳင္တံဂွ္ေလဝ္ အလုႝသ႘ပှာန္တံရပ္ထရေပၜာပ္ကၜဳင္ထံင္ မြဲေဏ္ွမြဲေဏ္ွရ။

ေဗာ္ဝြံညံင္ေဗာ္ဒဝ္အံင္သာန္သုက်႘ (N L D)ကီု ဟြံဒုင္တဲေသှာဝ္ ၂၀၀၈ ဟြံဒုင္တဲေပါဲရုဲမာဲ ၂၀၁၀ ဟြံကေလင္ပၲိဳန္ေဗာ္ နဒဒွ္ေဗာ္လုပ္ေသှာဝ္တုဲ ဟြံလုပ္ၿပိဳင္ရုဲမာဲရ။ ၐိုန္ဂွ္ေလဝ္ ႀကဵႏူအလႝုသ႘ဥဳတုင္ျဇဳင္တိုန္ကၜဳင္ ပႜဲသှာံ ၂၀၁၀ဂွ္ မုက္ဗလးပေရင္ဍဳင္ကြာန္ ကဿိန္ဍဳင္ပု႙ၿပံင္သၜာဲကၜဳင္မြဲနဲမြဲဗီုတုဲ လၲဴဒဒွ္ဏံဂွ္ ္ဒုင္ကၜဳင္တဲရ။ ေဗာ္ဒ႘မဝ္ကေရၿဇ႘ေကာန္ဂကူမန္ဝြံ ႏူယဿဳေဗာ္ေႀတံဂွ္ ျပံင္သၜာဲကၜဳင္ ယဿဳတိဿ ေဗာ္ဒ႘မဝ္ကေရၿဇ႘မန္ (M D P) တုဲ ကေလင္ပၲိဳန္စရင္ ဂံြအေခါင္ဒွ္အာေဗာ္ဒတဵလိုင္ ဗြဲမလုပ္ေသှာဝ္ရ။

ေဗာ္ဍဳင္မန္တဿိ(N M S P)

          ေဗာ္ဍဳင္မန္တဿိဝြံ နကႝုေသှာဝ္ဥပေဒ အလႝုသ႘ဗဿာ မသၸလဝ္ဒၲန္လဿဳဟ္ဂွ္ ၐိုန္ဒွ္ေဗာ္ဟြံလုပ္ေသှာဝ္မြဲကီုေလဝ္ ထပက္လဝ္စဿတ္တဲ ေဒါံပန္ေပွာ္ ကႝုအလႝုသ႘ဗဿာတုဲ ဒတဵလိုင္ကၜဳင္ နဒဒွ္ေဗာ္ရပ္လြဟ္ဂကူမန္မြဲရ။ စႏူ သှာံ ၁၉၅၈ ဂွ္ အာတ္မိတ္ကၜဳင္ တြႝဳရးမန္ဇကု၊ ကံကုသႝုဂကူမန္ဇကု ဇကုညံင္ဂံြဖန္ေကတ္မာန္တုဲ စႝုကႝုလဿဳဟ္ဏီ ေဗာ္ဍဳင္မန္တဿိဆက္တုဲပၜမံင္တရဵ ဒပ္ပှာန္ဗၜးၐးေကာန္ဂကူမန္ဖိုဟ္ေရာင္။

ပေရင္ဆက္စပ္ေဗာ္ဍဳင္မန္တဿိ(၃) ေဗာ္

          ပႜဲဂေကာံက္မၼတ႘ဗဟႝု ကမၼတ႘ေကင္ကါဗဟႝု ညးမပၜဒဿံင္တရဵ ေဗာ္ဒတဵလိုင္ဗြိဳင္ေသှာဝ္မေကာ္ဂး ေဗာ္ဒ႘မဝ္ကေရၿဇ႘အလံုရးမန္ ေကုာံေဗာ္ဒ႘မဝ္ကေရၿဇ႘မန္ဂွ္ ညးေဒါံဇူႏူေဗာ္ဍဳင္မန္တဿိတအ္ ပါလုပ္ဒဿံင္ရ။ မိက္ဂြံသၢးမြဲဂွ္ ညးပၜတရဵပါလုပ္ဒဿံင္ပႜဲေဗာ္(၃)ေဗာ္တံဂွ္ နကႝုပေရင္ပူဂႝုမၢး ညးတှဟ္သၟာင္သက္က္ဟြံေသင္ရ။ ဍဳက္ေကဝ္တီညာတ္ဒဿံင္ညးသကအ္ ပံင္ေတာဲတုဲသှာံဗြဲမလအ္လ ေကင္ေကၜာန္ကၜဳင္ ကေမၜာန္ေကင္ကါဂကူညး သကအ္မြဲစြံရ။ ၐိုန္ဂွ္ေလဝ္ ဒဒွ္ရသဘဵဓဝ္သၨိဳင္ပေရင္ဍဳင္ကြာန္ ဒုင္ဂိုင္ေကတ္ဟြံတုပ္ညးသကအ္ဂွ္ နကႝုၾကက္ရွ္သာ ဒ႘မဝ္ကေရၿဇ႘မၢး ျပသှာေဇှာ္ေဇှာ္မြဲေရာင္ ဟြံမိက္သၢးရ။

ဒွ္ဒဿံင္ၐါေဗာ္ဂွ္ ဒွ္ျပသှာသြက္မန္

         

          “ပႜဲေပါဲရုဲမာဲ ၂၀၁၅ ဏံ ၐိုန္ေဗာ္ၐါပံင္ေကာံဒွ္မြဲတုဲ လုပ္ၿပိဳင္ေဏါင္ဟီုကၜာေလဝ္ သြက္ေသၢာံဇှးမာဲဂွ္ ကိစၥေလာဲေလာဲသြာသြာ မြဲဟြံေသင္ပုဟ္ ဟိုတ္ဂွ္ရ ေဗာ္မန္ဒွ္ၐါတုဲ ဇကုကႝုဇကုၿပိဳင္မံင္ညးသၠအ္ေဏါင္ဟီုေတွ္ သြဟ္ခိုဟ္သြက္ေပါဲရုဲမာဲ ၂၀၁၅ေတံ ဂံြဒွ္ကၜဳင္မာန္ဂွ္ ညိေလဝ္ဟြံဆႝုလဝ္ေပှာ္လးလးဏီရ။” သာ္ဝြံ ညးကႜိဳက္ပ္ေရင္တၜဳင္သြက္ေဗာ္ၐါဂံြပံင္ က်ာေဇှာ္အၥာဂၨအ္ဘာ ေခမာနႏၵ မှံဳပိုန္ဘာနႏၵဝဝန္ တိုက္လိက္ ပရိယတၲိမန္ ပႜဲဍဳင္ျဇပ္ဗုဟီုရ။

          မိက္ဂံြသၢးဂွ္ ေပါဲရုဲမာဲ ၂၀၁၀ တုဲကၜဳင္ေတံဂွ္ ဟိုတ္ႏူေဗာ္ NLD ပကပ္ဒေဗင္ဒစႝုဒစး ဟြံလုပ္ၿပိဳင္ရုဲတုဲ အမာတ္မန္ ဇှးကၜဳင္(၁၆) တၜေရာင္ဟီုမာန္ရ။ ပႜဲေပါဲရုဲမာဲ ၂၀၁၀ ပႜဲဒှာဲကႝုဆႏၵမာဲ ပိြဳင္ဍဳင္မတ္မလီုမြဲဒှာဲဂွ္ အမာတ္မန္ပု႙ၐိုန္ဂံြကၜဳင္မာဲ အၾကာ(၈) ဠက္မာဲကီုေလဝ္ ပႜဲေပါဲရုဲမာဲအၾကာ (ဗေပင္ဒှာဲ) စဿတ္တၛဲ (၁) ဂိတုဨပရဵ ၂၀၁၂ဂွ္ ဟိုတ္ႏူေဗာ္ NLD လုပ္ၿပိဳင္ပၠာန္တုဲ ဒှာဲကႝုဆႏၵမာဲဏံရပၜန္ဂွ္အလံင္ အမာတ္မန္ပု႙ဂြံကၜဳင္မာဲၐိုတ္ အၾကာ(၄)လီၛမာဲဓဝ္ရ။လၲဴဒဒွ္ဏံဂွ္ မိက္ဂံြသၛ႘ဂၜိပ္ရံင္ေရာင္။

          ဒု ဥကၠ႒(၂) ေဗာ္ဒ႘မဝ္ကေရၿဇ႘မန္ နာဲေတန္အံင္ေလဝ္ “ႏူစပု႙ ကေလင္ပၲိဳန္စရင္ေဗာ္နဒဒွ္လုပ္ေသှာဝ္ဂွ္ရ ပု႙ေဖ်ံလဝ္သၢဳတ္သြာတ္ သြက္ဂံြဒွ္မြဲေဗာ္ရ။ ဟိုတ္ႏူဂွ္တုဲ ညံင္ဂံြပံင္ဂွ္ဂစာန္ကၜဳင္မြဲဒၿမိပ္ဓဝ္ေရာင္။ မန္တံဟိုတ္ႏူဒွ္ေကါန္ဂကူလဿိဟ္မှိဟ္ေအာန္တုဲ ဟြံဒးပံက္ေဗာ္ဂၜိဳင္င္ရ” သာ္ဝြံညးဟီုတဵရ။ အလႝုသ႘ဥဳတုင္ ၿဇဳင္ ကႜိဳက္ပ္လဿဳဟ္ဂွ္ ဟြံဗၜးတိတ္ႏူဃယံက္ၾသဇာအလႝုသ႘ပှာန္တုဲကၜဳင္ေတံကီုတုဲ ေသှာဝ္ဥပေဒသၨိဳင္ ၂၀၀၈ လဿဳဟ္ဂွ္ေလဝ္ စႝုဒှာလဝ္ အလႝုသ႘ပှာန္ေၾတံတုဲကၜဳင္ေတံဂွ္ရ။ ဟိုတ္ဂွ္ရယဝ္ဒုင္ေထာံတဲု ေသှာဝ္ ၂၀၀၈ လဿဳဟ္ဂွ္မၢး တုပ္တဵညံင္ရဵစႝုဒှာမံင္ကႝုတၜအဝႝုပှာန္တံကီုေရာင္ ညးသၛ႘ဂၜိပ္ထၞးရ။ “ေပါဲရုဲမာဲ ၂၀၁၅ ဏံလုပ္ၿပိဳင္ပၠာန္ဟာ၊ ဟြံၿပိဳင္ပၠာန္ဟာဂွ္ နကႝုေဗာ္ဒ႘မဝ္ကေရၿဇ႘မန္ ဟြံဂံြေဖ်ံသၢဳတ္သြာတ္ဏီတုဲ ပေရင္ပေဠဝ္ပေဠတ္စေလဝ္ ဟြံမြဲဏီေရာင္” သာ္ဝြံညးဆက္ဟီုရ။

          ဒု ဥကၠ႒ ေဗာ္ဒ႘မဝ္ကေရၿဇ႘အလံုရးမန္ နာဲလွအံင္ဂွ္မၢး “ပု႙တံစ႘ဇန္လဝ္ သြက္ဂံြေကၜာန္သၸေကာံဓရုီ ေဗာ္ေကၜာံသှာံႏံြရ။ ေဗာ္ၐါဂံြပံင္ျပဟ္ဟ္မာန္ဂၜာဲအာနဲကဲ ပႜဲေကာံဓရီုဂွ္ေဏာံင္ ဂၜံင္တရဵနဲကဲေသၢာံပံင္ဂြံဂွ္ ေဍံင္ဒးႏံြတၛႝဳရ မှိဟ္အၾကာအယုက္(၅၀)ကႝုလၸၚသဿဝ္တံဂွ္ ေဗာ္ၐါဂံြဒွ္မြဲဂွ္ဟြံဒွ္ညံင္ဒွ္ သြက္ဂံြေရင္တၜဳင္ေကၜာန္ ၐိုတ္အာဂွ္ ဆႏၵေပင္ကဿိဳဟ္မံင္ဖအိုတ္ေဏါင္” သာ္ဝြံဟီုတဵရ။

          ကါလလဿဳဟ္ ပႜဲပြိဳင္ဍဳင္ၐါသြာင္ (ေခ်ာင္းဆုံး) ေတံ ေဗာ္ၐါပံင္ေလဝ္ နကၧံင္ပိြဳင္ဍဳင္ေရာင္သၢးရ။ တုပ္ကႝုတၜဳင္လအာသာ္ဏံကီု ပႜဲပြိဳင္ဍဳင္တှဟ္ဟ္တအ္ေလဝ္ ႏူကႝုသၨိဳင္ဂွ္ ပံင္ဒဿံင္ညးသၠအ္ေရာင္ဂံြတီေကတ္ရ။

          “ဂေကာံကမၼတ႘ဗဟႝု ေဗာ္ဒ႘မဝ္ကေရၿဇ႘အလံုရးမန္တံဂွ္ ရုဲစွ္ဒက္ပၲန္လဝ္ နကႝုုညးစှး ပိြဳင္ဍဳင္မဆက္စပ္တံတုဲ ဂေကာံကမၼတ႘ဗဟႝု ေဗာ္ဒ႘မဝ္ကေရၿဇ႘မန္ဂွ္ ႏူကႝုလၲဴတံ ေကတ္ေသှာဝ္ဗဟႝုကႜိဳက္ပ္တုဲ ခါန္ကှက္ဒက္ပၲန္လဝ္ရ။ ဟိုတ္ႏူဏံတုဲ ပေရင္ပံင္ေကာံကၧံင္ကမၼတ႘ဗဟႝုတံ ဒွ္ဒဿံင္အခက္ခုဲ မြဲသာ္ကီုေဏါင္” သာ္ဝြံနာဲလွအံင္ဆက္ဟီုရ။

ၐိုန္ဂွ္ေလဝ္ညးခ်ဴလိက္ဏံ မိက္ဂံြကႝုကသပ္မြဲဂွ္ မြဲလၸၚကႝုမြဲလၸၚ စြံဓဝ္ကၜဳိဟ္ခၜင္ေဇှာ္ေဇှာ္တုဲ ယဝ္ဒုင္တဲသၸကႝုစဿတ္သမၲီေရင္သကအ္မၢး အခက္ခုဲတတ္ထပၚအာမာန္ေရာင္ညာတ္ရ။

“ကမၼတ႘ေကင္ကါဗဟႝု ေဗာ္ဒ႘မဝ္ကေရၿဇ႘အလံုရးမန္ ဗြဲမဂၜိဳင္ဂွ္ ၐိုန္ႏံြပဿိက္ကႝုပေရင္ ပံင္ေကာံေဏါင္ ဟီုကၜာေလဝ္ မြဲလၸၚဂွ္ကႜိဳပ္သၠိဳပ္ကဆံင္လတူေတံ ေဗာ္ၐါဂံြပံင္အခိင္ဟြံစိုပ္ဏီ သာ္ဏံလညာတ္ႏံြဒဿံင္တုဲ ကမၼတ႘ေကင္ကါဗဟႝု ဗြဲမဂၜိဳင္တံ တတ္ထၞက္အာၾသဇာလညာတ္ ကႜိဳက္ပ္သၠိဳပ္လၲဴတံမာန္ညိဟာ။ ေဗာ္ဒ႘မဝ္ကေရၿဇ႘မန္ပၜန္ဂွ္ ခ်႘ဒရာင္မံင္သြက္ပေရင္ ပံင္ေကာံေဏါင္ဂးတုဲ ဂစာန္ဒဿံင္သြက္ဂံြပံက္ရုင္သဿး ကႝုမံင္ဖ်ဳန္ကႝု ပေရင္ဒက္ပခိုင္ပၲိဳန္ေဗာ္သဿး ဂြံဆႝုေကတ္ရ။ အခိင္လဿဳဟ္ဂွ္ ကိစၥတှဟ္ဟ္ဂွ္ ကၜဟ္ပါဲလဝ္မြဲခဏတုဲ သြက္ေဗာ္ၐါဂြံပံင္မာန္ဂွ္ ဒးထမံက္ရုပ္ရဵ ဗြဲမျပဟ္ေရာင္” သာ္ဝြံက်ာ္ေဇှာ္အၥာ ေခမာနႏၵဟီုရ။

ဟိုတ္ႏူခမ႘သင္ဂမၜိဳင္ ပႛ႘ပႛပ္ကႝုကၜဳင္တုဲ ပႜဲစဿတ္တၛဲ (၂၂) ဂိတုဨပရဵ သှာံ၂၀၁၂ဂွ္ သီုေဗာ္ၐါဂြံကၜဳင္တင္ တုပ္စုိတ္ သြက္ဂံြပံင္ေကာံရ။ တင္တုပ္စိုတ္ဂမၜိဳင္ဝြံ (၁) ေဗာ္ဒ႘မဝ္ကေရၿဇ႘အလုံရးမန္ ကႝုေဗာ္ဒ႘မဝ္ကေရၿဇ႘မန္ဂွ္ သြက္ဂံြပံင္ေဟင္ရ။ (၂) ဂိတု ဒ႘ေျဇန္ဗါ ၂၀၁၄ စြံလကၠရဵအိုတ္တုဲ ညံင္ဂံြပံင္ေကာံအာ (၃) ဇဿာပ္တၛဲသ႘ ဂိတုအိုတ္ ေဗာ္သီုၐါလၸၚတံ ဒှာဲခမ႘သင္တံမေကာံဘိက္ဂွ္ သြက္ပံင္ေကာံေကၜာန္သၸအာေကာံဓရီု (၄) ေဗာ္ၐါပံင္ဒွ္မြဲတုဲ သြက္ဂံြတင္ခုတ္ပၲိဳန္ယဿဳေဗာ္တှဟ္ျခာတဿိမြဲ ေရာင္။

ဒးေတာ္ဗၥာမြဲဂွ္ ယဝ္ခါရ ေပါဲရုဲမာဲဒွ္အာပႜဲတံသှာံ ၂၀၁၅ ေရာင္ဒွ္မၢး ၂၀၁၅ ဂိတုဒ႘ေျဇန္ဗါအိုတ္မွ ဂြံပံင္ေရာင္ဟီုဂွ္ အဓိပၸါယ္ႏံြညိဏီဟာ။ ဒးပၲိဳန္စရင္တဿိနလုပ္ေသှာဝ္မြဲေဗာ္ဟီုဂွ္ ဒးကႝုအခိင္ဂလိုင္လႝုေရာ ငၛဳဟ္မးအခိင္ဂွ္ ပဿိက္ေဇှာ္ေကြံေကြံေရာင္။ ဟိုတ္ဒွ္သာ္ဂွ္ရ ညးခ်ဴလိက္ဏံ မိက္ဂံြပၲိဳက္ဖေအာဝ္မြဲဂွ္ နကၧံင္ပထမ ကမၼတ႘ဗဟႝု လဿိဟ္တုပ္တံသြက္ဂံြပံင္အာကၜာ သြက္ဂံြခုတ္တင္ယဿဳေဗာ္တဿိမြဲ ရုဲစွ္အာဂေကာံကမၼတ႘ေရင္တၜဳင္ ေကင္ကါဗဟႝုတဿိ ဥပမာ-ကႜိဳပ္သၠိဳပ္မှဳံအယုက္အာၾကာ ၅၀-၆၀တံဂွ္ နဒဒွ္ဂေကာံညးအုပ္ကါ ကႜိဳပ္သၠိဳပ္ အာယုက္ အၾကာ ၆၀-၇၀ တံဂွ္နဒဒွ္ဂေကာံဥကၠ႒ ေကုာံကႜိဳပ္သၠိဳပ္အယုက္(၇၀) လၸၚလၲဴတံဂွ္ နဒဒွ္ဂေကာံ နယက သာ္ဝြံဒွ္ေထက္ေရာင္ မိက္ဂံြကႝုကသပ္ရ။

ရုဲစွ္အာဂေကာံကမၼတ႘ေကင္ကါဗဟႝုတုဲဒွ္အာမၢး အရာဒက္ပၲန္ေဗာ္ဂွ္ စႝုကႝုကၧံင္သဿဝ္ဒးေကႅင္ဒက္ပၲန္တဲု ဒးေကၜာန္သၸသဘင္သ႘ကၜ႘ေဗာ္ ကၧံင္ဗဟႝုမြဲေထက္ရ။ ႏူဏံမြဲကၧံင္ေကၜာန္သၸအာ သၻင္သ႘ကၜ႘ေကါန္ဂကူ မန္မြဲမာန္ ေရာင္။ ပႜဲအရာပေရင္ကေမၜာန္ၐိုဟ္လလံကဿိန္ဍဳင္ဂွ္ ေဗာ္ပေရင္ဍဳင္ကြာန္မန္တံ ပါလုပ္ဗြဲမသၜဲလးတုဲ သြက္ဂံြဇက္တိုန္အာ နဒဒွ္တၛႝရးတဵတက္ဂတာပ္ေခတ္ ဗြဲသဿဟ္အေစာံကႝု ပေရင္ပိုန္ျဒပ္မြဲမာန္ဂွ္ ထဿံက္အာရုပ္ရဵပေရင္ည႘သာသဿဟ္သဿန္တံဂွ္ အိုတ္စိုအ္။

                                                                          ေကါန္သြဝ္(၂၇-၆-၂၀၁၃)

(ႏူအၥာခ်ဳလိက္ “ဗညားေအာင္” မခ်ဴပၲိဳန္လဝ္ပႜဲဌာန္ပရိုင္ဗၜးၐးဂကူမန္ နယဿဳကႜိဳပ္လိက္ “မြန္ႏွဝ္ပါတီေပါင္း စည္းေရး ဘာေတြခက္ေနလဲ” ဂွ္ဗြဲမကိတ္ည႘ကၜာဲလဝ္ဘာသာမန္ေရာင္။)